Jehovata yupaychaq familiakuna
1 Israelitaspa tiemponpiqa, familiakuna wasinkupi tukuy imatapis khuska ruwaq kanku. Astawanpis, Jehová Diosta khuska yupaychaq kanku (Lev. 10:12-14; Deu. 31:12). Kunan pʼunchaypiqa familiakuna mana jinata kawsankuchu, manaqa sapa juk munaynillanta maskʼan. Cristianostaqri familiawan khuska imatapis ruwanku, astawanraq Diosta khuska yupaychanku. Maytachá familiata ruwaqnin Jehovaqa, kusikun tatakuna wawasninkuwan khuska payta yupaychaptinku.
2 Khuska willamuna: Familianchikwan khuska willaq riptinchikqa, familianchik jukchasqapuni kanqa. Chayrayku ancianoqa mana qutuchakuymanta hermanosllawanchu willaq lluqsin, manaqa warminwan, wawasninwanpis willaq lluqsillantaq (1 Tim. 3:4, 5). Kikillantaq superintendente nisqaqa tiempochakullantaq warminwan willaq lluqsinanpaq.
3 Wawasqa tatamamankuwan Diosmanta willaq lluqsiptinkuqa, Diosmanta sumaqta willayta yachakunqanku. Wawasqa rikunqanku tatasninku kusisqas Diospaq llamkʼasqankuta, astawanpis Jehová Diosta, runa masinkutapis munakusqankuta rikullanqankutaq (Deu. 6:5-7). Arí, chiqapuni kayqa wawas wiñaptinkupis. Juk qhariwarmi kimsa wawasninkuwan, sullkʼaqa 15 watayuq, kuraqtaq 21 watayuqña, paykunawan khuska lluqsillankupuni. Tatankuqa nin: “Runaman willachkaspa, paykunamanqa imallatapis yachachiykupuni, kusisqa kanankuta munayku, kallpachasqa wasiman ripunankupaq”, nispa.
4 Khuska wakichikuna: Achkha hermanos Diosmanta willamunapaq familiapi wakichikuyqa, allin kasqanta qhawanku. Wakin familiapi wawasqa wasinkupi Diosmanta runaman willachkankumanpisjina tatamamankuwan, chayri mayqin wawqinkuwanpis ruwanku. Wakin familiakuna, Bibliata ukhunchaytawan chayta ruwanku.
5 Familianchikwan kayta ruwaptinchikqa kusikuyninchik astawan yapakunqa. Mana imapis aswan allin kanchu, familiawan Diosmanta khuska wasimanta wasi willaspa, yachayta munaqkunaman kutispa, runata yachachispa ima, purisqanchikmantaqa. Familiawan khuska Jehovata yupaychaspa kusikuywan niyta atisunchik: “Tukuy aylluywan Tata Diostapuni sirvisqayku”, nispa (Jos. 24:15).