¡Noviembre killapaq ¡Despertad! revistawan, willamunapaq wakichikuy!
1 Llampʼu sunqu runasqa, Bibliamanta kaykunata tapukunku: “Bibliata runas qillqaptinkupis, ¿imaptintaq Diospa Palabran nispa sutichakun? ¿Imaraykutaq nisqanmanjina purinanchik tiyan? Sapa pʼunchay Bibliata ñawirisqanchikqa, ukhuncharisqanchikqa ima, ¿qhasipaqchu? ¿Ima Bibliatataq ñawirisuman?”. Noviembre killamanta ¡Despertad! revistaqa, kay tapuykunata, wak tapuykunatawan kutichinqa, kay sutiwantaq lluqsimunqa: “¿Se puede confiar en la Biblia?” nisqa.
2 Kay revistata, tukuy runasman, maypichus willamunchik chaypi, saqimunanchik tiyan. Chayrayku atiptinchikqa, noviembre killapi, hermanosninchikwan sábados pʼunchaykunapi willamusunman. Kay revistata; familianchikman, vecinosninchikman, Bibliamanta yachayta munaqkunaman, llamkʼayninchikpi runasman, yachay wasipi waynuchusman, yachachiqkunaman ima, rikuchisunman. Mercadoman richkaspa, chayri viajachkaspa kay revistata apasunman. Tukuyninchik kay revistawan llamkʼananchikpaq, ancianosqa sucursalmanta astawan mañankuña.
3 Bibliamanta yachachiyta qallariy. Kay revistawan runa qhipakuptin, niraq ripuchkaspa ichapis kayta niwaq: “Kutimuspaqa, Bibliawan kay tapuyman kutichisqayki, ¿imatataq Dios Jallpʼapaq munan?”, nispa. Kutispataq, kay ¿Imatapunitaq...? libromanta, 4, 5 paginasta rikuchiwaq, chayri 3 yachaqanapi 1 parrafomanta 3 parrafokama ñawiripuwaq. Mana chayqa, ichapis kayta niwaq: “Wak kuti jamuspaqa, imaynatachus Bibliap profeciasnin kunan pʼunchay juntʼakuchkan, sutʼinchasqayki.” Kutispataq, 9 yachaqanata rikuchispa 1 parrafomanta 3 parrafokama paywan ukhunchariwaq. Ajinamanta nillawaqtaq: “Bibliap nisqanta mana japʼiqayta atikullanchu, ¿ichari? Wak pʼunchay kutimuspa imaynatachus Bibliap nisqanta japʼiqasuman yachachisqayki”. Kutispataq ¿Imatapunitaq...? librota rikuchispa, sutʼinchay imaynatachus kay librowan Bibliamanta yachakunman.
4 Bibliallapi ‘Diosmanta Qillqasqata’ tarinchik, mayqinchus yachachiwanchik ‘salvacionta tarinanchikpaq’ (2 Tim. 3:15). Tukuyninchik, kʼajaywan kay ¡Despertad! revistawan runaman willamunapaq wakichikunanchik tiyan, Bibliap nisqanpi astawan atienekunankupaq.