Aswan sumaj yachachejkuna kana: Yachachin librowan willana

¿Imaraykutaj ruwananchejpuni tiyan? Willayninchejpeqa ¿Imatapunitaq Biblia yachachin? librota astawan apaykachanchej. Jinapis pillamanpis yachachinapajqa, runasmanraj saqenanchej tiyan. Chayrayku chay librota runasman saqenapajqa, sumajta wakichikuna (Pro. 22:29). Chaypajtaj ashkha yuyaychaykuna tiyan. Maypichus willanchej chayman jinataj ajllasunman.

¿Imaynatá ruwasunman?

Runasta tapurisunman Yachachin libroj mayqen yachaqanallanmantapis yachakuyta munanankupaj jina. Ichá ajllasunman sapa yachaqanaj qallariyninpi kaj tapuykunamanta ujta. Kutichisqanman jinataj, Bibliamanta uj versiculota leerisunman, pisi tiempollapitaj chay tapuymanta parlaj parrafota ukhuncharisunman.
Chantapis 3-5 páginas sumaj yanapallataj. Chaypitaj rikuchisunman imatachus Biblia nisqanta. Ichá noticiaspi llakiy willaykunata uyarisqanchejmanta parlariytawan, 3 paginapi rikhurisqan tapuykunamanta parlarisunman. Chayri qhepaman allin kausay kananmanta parlarisunman. Kay 4, 5 paginaspi dibujosta rikuchispa, tapurisunman: “¿Mayqentataj kaymanta juntʼakunanta munawaj?”, nispa. Chayri parlarillasunmantaj imaschus runasta llakichisqanmanta. Sojta paginapi rikhurej tapuykunata rikuchispataj, tapurisunman mayqentachus yachayta munasqanta.
Bibliamanta yachachishasqanchejta niytawan, ajinata nisunman: “Kay librota runasman saqeshayku Bibliata ukhunchanapaj. ¿Rikorqankiñachu? [Kutichinanta suyariy.] Tiempituyki kajtenqa rikuchiykiman imaynatachus kay librowan Bibliaykita ukhunchayta atisqaykita”, nispa.

Killantinta kayta ruway:

Familiapi Diosta yupaychashaspa wakichikuna.
Willashaspaqa, piwanchus willashanki chay hermanoman, imamantachus parlarinaykita willariy (Pro. 27:17). Mana allin risojtenqa waj jinamantañataj wakichikuwaj.