Diosmanta willaypi ñawpaqllamanpuni rina
1 Diosqa, kamachisnin willaypi ñawpaqllamanpuni riptinku, mayta kusikun. Pabloqa, Timoteota Diospa llaqtapi ñawpaqllamanpuni risqan rikukunanpaq, Diosmanta yachakuyta mana saqinanta nirqa (1Tim. 4:13-15). Chayrayku, unaytaña willaspapis, willayninchikpi ñawpaqman rinallapaqpuni mayta kallpakuna.
2 Imaspí astawan llamkʼasunman. Diospa llaqtanpi ñawpaqllamanpuni rinapaq, ¿imaspitaq astawan llamkʼasunman? Ichá Bibliamanta sumaqta yachachinapaq kallpakusunman (Efe. 6:17). Chantapis willaypi imapichus mana anchata atisqanchikpi llamkʼasunman, ichapis, callespi, telefononiqta, qhatuspi ima; chayri Diosmanta yachakuyta munaqkunman kutispa. Chantapis, runaman Diosmanta yachachiyta qallarinapaq, sumaqta yachachinapaq ima, kallpakusunman.
3 Yanapaykuna. Willayta Yachanapaq Tantakuy, Diosmanta Parlayta Yachanapaq tantakuy ima, sumaq willaqkuna kanapaq yanapawanchik. Chay tantakuykunapaq wakichikuptinchik, riptinchik, yachachikusqantataq ruwaptinchik, mayta willaypi yanapawasun (2 Cor. 9:6).
4 Hermanospis yanapallawasunmantaq (Pro. 27:17). Piwanchus willaq lluqsisqanchikpa willasqanta sumaqta uyariptinchik, astawan allinta willanapaq, yanapawasun. Chantapis librota yachaqanapaq tantakuymanta yachachiq hermanoqa, ichapis juk hermanowan yanapachiwasun. Mayta kusikunchik precursores chayri sumaqta willayta yachaq hermanos, sumaqta willanapaq yanapawasqanchikmanta. Chantapis libromanta yachakunchik chaypi, ¿kanchu pipis kunallanraq willayman lluqsiq? Kaptinqa, qam paywan willayman khuska lluqsinaykipaq parlariwaq.
5 Kay tiempopiqa, Diosmanta willayqa, ima ruwaymantapis astawan sumaq. ‘Diosta yupaychananchikta, juk sumaq jaywanatajina’, jaywanapaq, sumaqninta jaywayta munanchik (Heb. 13:15). Astawan willaypi kallpakunchik chayqa Timoteojina kasun, payqa, “sumaj trabajaj jina mana imamanta pʼenqakuspa, cheqa kaj palabrata maychus kajta yachachispataj” karqa (2 Tim. 2:15).