Bibliamanta yachakuyta munaqkunata maskʼanapaq pʼunchay
1 Enero killamantapacha, tukuy qutuchakuykunapi sapa killa juk semanap tukukuyninpi, juk pʼunchay—ichapis ñawpaq semanapi— Bibliamanta yachakuyta munaqkunata maskʼana kanqa. Qutuchakuypaq ima pʼunchaychus astawan allin kasqanta akllankuman, sábado chayri domingo. Runas mana yachakuyta munaptinkupis, Yachachin librota chayri musuq revistasta rikuchiyta atisunman. Tukuy ancianos, siervos ministeriales ima, kay willayman rinankupaq kallpachakunanku tiyan, jinamanta willaqkunata yanapanankupaq, Bibliamanta yachachiyta qallarinankupaq.
2 Comité de Servicio nisqa qutuchakuypaq, akllanqa ima semanap tukukuyninpichus ruwakunanta. Chantapis qutuchakuypiqa atikusqanmanjina yuyarichikunan tiyan, jinamanta hermanos sumaqta wakichikunankupaq, kallpachakunankupaq ima, wasimanta wasi Bibliamanta yachakuyta munaqkunata maskʼanankupaq, pikunachus yachakuyta munaqkunamantaq watiqmanta kutinankupaq.
3 Imaynatá wakichikusunman. Qhawarisunman imatachus kay Nuestro Ministerio del Reino de enero 2006 watamanta nisqanta chayri libro Razonamiento kay 11, 12 paginasninta. Chayri Chiqa kutichiykunata yachayta munawaqchu nisqa tratadowan wakichikusunman. Chantapis kay Reinomanta Willayninchikpi agostomanta, 2007 watamanta, 3 paginanpi, yuyaychaykuna kallantaq, revistasta japʼikuqkunaman Bibliamanta yachachiyta qallarinapaq. Ancianos, siervos ministeriales ima, juktaq, juktaq willamunapaq tantakuyta ruwanqanku —10 chayri 15 minutosllapi—, maypichus yuyarichinqanku, rikuchinqankutaq jukwan chayri iskaywan, imaynatachus Bibliamanta yachachiyta qallarinapaq.
4 Tukuy Bibliamanta yachakuyta munanankuta, mana saqinankuta ima, mana suyasunmanchu. Chayqa ama kusiyninchikta chinkachichunchu, imaraykuchus Jehovalla llampʼu sunqu runastaqa llaqtanman pusamun (Juan 6:44). Astawanpis ruwayninchikqa, mana mujuta tarpuyllachu, manaqa qhaway, wiñaspa saphichakunanpaq qarpay ima, chaytataq ruwanchik llampʼu sunqu runasta Jehovamanta yachachispa. Yuyarikuna chay ruwasqanchik may sumaq kasqanta imaraykuchus, ‘Dioswan khuska llamkʼachkanchik’ (1 Cor. 3:9).