Ñaupaj sabadota Bibliamanta yachachiyta qallarina

Kay 2011 mayo killamantapacha, sapa killaj ñaupaj sabadonpi, Bibliamanta yachachiyta qallarinapaj kallpachasqa kanchej. Chaypajtaj tukuypaj Torremanta Qhawaj revistapi, “Bibliaj kutichiykunasnin” nisqa yachaqana llojsishan. Chayrayku sapa killaj ñaupaj sabadonta willamunapaj tantakushaspa, imaynatachus chay revistawan yachachiyta qallarinata sutʼinchakunantaj, rikuchikunantaj tiyan.

Ancianosqa sapa killaj ñaupaj sabadonta, tukuynin qotuschus manachus willamunapaj —Tantakuna Wasipi chayri waj lugarpi— khuskachakunankuta qhawarenqanku. Uj Tantakuna Wasipi ashkha qotuchakuykuna tantakunku chaypis, Bibliamanta yachachiyta qallarinapaj sabadotaqa, ni mayqen qotuchakuypis waj pʼunchayman suchuchinanchu tiyan, tukuynin qotitusta ujllapi tantayta munaspapis.