Iskay pʼunchaypaq jatun tantakuy, ¿imaynatá yanapawasunman?
1. Jehová willamunallanchikpaqpuni, ¿ima wakichiykunawantaq yanapawanchik?
1 Jehová Diosqa may kʼacha kasqanrayku yuyaychawanchik, yachachiwanchik, kallpachawanchik ima, runasman willamunanchikpaq (Mat. 24:14; 2 Tim. 4:17). Chaykunamanta jukqa, sapa wata iskay pʼunchaypaq jatun tantakuyta quwasqanchik kachkan. Kay tantakuykunataq qallarinqa 2009 agosto 31 semanamanta, tukukunqataq 2010 agosto 23 semanapi, kay tantakuypaq wakichikusqanqa, imaynatachus espiritualmente jarkʼakunamanta yachachikunqa. Chay yachachiykunataq, kay Romanos 8:5 chantá Judas 17-19, pʼitismanta urqhukunqa.
2. a) ¿Imaynamantá chay jatun tantakuy yanapawasun? b) Iskay pʼuchaypaq jatun tantakuykuna, ¿imaynatá willayniykipi yanapasurqa?
2 ¿Imaynatá yanapawasun? Chay wakichiyqa, reparachiwasun ima ruwaykunachus tiemponchikta usuchichkasqanta, chaytaq, allin ruwaykunata ruwananchikpaq jarkʼachkawasunman. Chantapis, munaynillanchikwan mana atipachikunanchikpaq, imaynachus Diospa munayninmanjina kawsaq runa kasqanta ima, yachakusun. Domingo pʼunchayta umallirichiykunaqa, sapa juk chayri familiajina imaynatachus espiritualmente kallpachasqas kananchikpaq, ima chʼampaytapis, jarkʼaytapis atipayta atinanchikpaq, imatachus ruwananchikpaq ima, yuyaychawasun. Pisi parlaykunallapi nisunman, chay wakichiyqa, espiritualmente allin kananchikpaq, sunqunchikta jarkʼananchikpaq, Diospa bendicionesninta japʼinanchikta mana qunqakunanchikpaq ima, yanapawasun.
3. ¿Maykʼaqtaq iskay pʼunchaypaq tantakuy kanqa, chantá imata ruwananchik kanman?
3 Chay jatun tantakuy maypichus, maykʼaqchus ruwakunanta yachankiña chayqa, kunanmantapacha iskaynin pʼunchayta chaypi kanaykipaq, allinta uyarinaykipaq ima wakichikullayña. Jehová Diosqa, kʼuchi runap wakichikusqanta bendicenpuni (Pro. 21:5).
4. Chay iskay pʼunchaypaq tantakuypi, ¿imata ruwananchikpaqtaq kallpachawasun?
4 Jehová Diosninchikpuni chay sumaq yachachiykunataqa, quwanchik. Allin kamachi, chay tantakuypaq wakichisqanqa, mana saykʼuspa willamunallanchikpaqpuni, imatachus necesitasqanchikta quwasun kallpachanawanchikpaq. Jehová Diosninchikman mayta agradecenanchik tiyan, munakuywan sumaq yachachiykunata quwasqanchikmanta, imaraykuchus chayqa yanapawasun, ‘imapichus suyakuchkanchik, chaymanta sinchʼita chʼipakunanchikpaq mana iskayrayaspa’ (Heb. 10:23-25; Sant. 1:17).