Diospa kamachisninpaq yanapaykuna
1. Kay 1938 watapi, ¿imatataq wakichikuyta qallarirqa, imapaqtaq chay ruwakurqa?
1 Kay 1938 watapaq Jehovap llaqtanqa, asambleas de zona nisqata wakichiyta qallarirqa, kunantaq iskay pʼunchaypaq jatun tantakuy sutikun, qutuchakuykunata waqyarinanpaq. ¿Imapaqtaq chay ruwakurqa? Kay 1939 enero killamanta inglés qallupi Informador (kunantaq Reinomanta Willayninchik sutikun) nisqapi, jinata qillqakurqa: “Jehová kay jatun tantakuykunaniqta Reinonmanta willamunallapaqpuni yachachiwanchik. Chaypi yachachikusqanqa, maychus kaqmanjina chay kamachiyta juntʼayta munaqkunapaq, may sumaq”. Kay 1938 watapi, 58.000 Reinomanta willaqkuna karqanchik, 2009 watapaqtaq 7.000.000 willaqkunamanta astawan karqanchik, kay iskay pʼunchaypaq jatun tantakuykuna, Diospa kamachisnin ‘chay kamachiyta juntʼanankupaq’ mayta yanapasqanta rikuchin.
2. Qhipan iskay pʼunchaypaq jatun tantakuypi, ¿ima umallirichiykunataq sutʼinchakunqa?
2 Qhipan watapaq, ¿imataq sutichakunqa? Chay jatun tantakuy qallarinanta mayta suyachkanchik, Diospa kamachisninta kallpachananpaqjina kasqanrayku. Sutikunqa: “Mana kay pachajtachu kankichej”, chaytaq Juan 15:19 pʼitimanta urqhukunqa. Umallirichiykunapi, ¿imamantá parlakunqa? Sábado pʼunchaypiqa, precursor regularjina llamkʼay imaynatachus jarkʼawasqanchikmanta parlakunqa. Chantá kimsa umallirichiykunapi ‘phiña animalwan’, ‘jatun phisu warmiwan’, ‘qhatuqkunawan’ ima, mana chaqrukunapaq yuyaychakunqa. Domingo pʼunchaypitaq wak umallirichiykunapi Jehovata munakunanchikpaq, manataq kay pachatachu, yuyaychawasun. Wak yachachiykunapitaq, ñuqanchik kay pachapi forasteroslla kasqanchikta, kay pachata atipanapaqtaq mayta kallpachakuna kasqanta ima, sutʼinchakunqa.
3. Iskay pʼunchaypaq jatun tantakuyman rispa, ¿ima yanapasta japʼisun?
3 Juk hermana Diosmanta willaypi llawchhiyasqa, kunallanraq iskay pʼunchaypaq jatun tantakuypi yachakusqantaq, ruwachkasqanta qhawarikunanpaq, “willayman astawan lluqsinanpaq, nitaq achakista maskʼananpaq” yanapasqa. Chiqamanta nisunman, qhipan iskay pʼunchaypaq jatun tantakuyqa, Jehovata mayta munakunanchikpaq, manataq kay pachata munakunapaq yanapawasun (1 Juan 2:15-17). Diospa Reinonmanta willamunallapaqpuni kay tantakuyta wakichikun, chayrayku rinaykipaq, allinta yachakunaykipaq ima, sumaqta wakichikuy.