Octubrepi Bibliamanta yachachiyta qallarinapaq kallpachakuna
1. ¿Imawantaq octubre killapi willamusunchik?
1 Octubre killapi, Torremanta Qhawaq, ¡Despertad! revistawan ima, willamusunchik. Juk runa, astawan yachakuyta munaptinqa, Chiqa kutichiykunata yachayta munawaqchu, nisqa tratadowan Bibliamanta yachachinapaq kutisunman. Kunanqa, imaynatachus chayta ruwanata qhawarisun.
2. Revistaswan qhipakuq runaman kutiptinchik, ¿imaynatá Chiqa kutichiykuna tratadowan Bibliamanta yachachiyta qallarisunman?
2 ¿Imaynatá kay tratadowan yachachisunman? Ajinata niwaq: “Chay saqisusqay revistasqa, Bibliamanta yachakunapaq kallpachawanchik. [Chiqa kutichiykuna nisqa tratadota jayway. Chantá, qallariypi rikhuriq tapuykunata rikuchiy.] Bibliaqa, kay tapuykunaman kutichin. ¿Mayqinmantá astawan yachakuyta munawaq?”, nispa. Imatachus kutichisusqanta, allinta uyariy. Chantá, paywan khuska, tratadop kutichiyninta, juk pʼitita ima, ñawiriy. Niytaq: “Bibliaqa, wak tapuykunamanpis kutichillantaq”, nispa. Chantá, Yachachin librota jayway. Chaymantataq, chay runata, Yachachin librop juknin yachaqananta akllachiwaq. Chantataq, qallariynin parrafosta ukhunchawaqchik. Mana chayqa, imatachus tratadomanta yachachichkasqaykita, Yachachin librowan astawan sutʼinchawaq. Chayta ruwanaykipaqtaq, kaykuna yanapasunqa.
● ¿Dios ñuqanchikmanta interesakunchu? (págs. 9-11 párrs. 6-10)
● ¿Maykʼaqllapis jatuchaq maqanakuykuna, ñakʼariy ima, chinkanqachu? (pág. 12 párrs. 12, 13)
● ¿Maymantaq wañupuspa rinchik? (págs. 59, 60 párrs. 7, 8)
● ¿Ima suyakuytaq wañusqaspaq tiyan? (pág. 71 párrs. 13-15)
● Dios uyarinawanpaq, ¿imaynatá mañakuyman? (págs. 166, 167 párrs. 5-8)
● ¿Imaynatá kusiy kawsayta tariyman? (pág. 9 párrs. 4, 5)
3. Atikusqanmanjina, ¿imaynamantá runaman yachachiyta qallarisunman?
3 Ichá ñawpaq kutipiqa, ima kasqanrayku, mana Yachachin librowan yachachiyta qallarinkichu. Jina kaptinqa, wak pʼunchay kutinaykita niwaq. Qhipankunapi kutiptiyki, yachakuyta munasqanmanjina, manaraq Yachachin librota jaywachkaspa, ichá tratadomanta wak tapuykunasninmanta sutʼinchariwaq. Arí, octubre killapi kay tratadowan runasman Bibliamanta yachachiyta qallarinapaq kallpachakuna. Jinamantataq, llampʼu sunqu runasta, chiqa kaqta riqsichisunchik (Juan 8:31, 32).