Revistasqa tukuy runaspaq
1. ¿Imaynamantá allin kamachi yuyayniyuq apóstol Pablojina ruwan?
1 Apóstol Pablo allin willaykunata willananpaq “imaynatachus [runas] kasqankuman” tukurqa, ajinallatataq allin kamachi yuyayniyuqpis tukuy laya kawsayniyuq, wak yuyayniyuq runasman ima chayananpaq, revistasta apaykachan (1 Cor. 9:22, 23). Kay Torremanta Qhawaq, ¡Despertad! revistasta ima allinta apaykachanapaq, pikunapaqchus ruwasqa kasqanta yachananchik tiyan.
2. ¿Pikunapaqtaq ¡Despertad! revista ruwasqa kachkan?
2 ¡Despertad! Apóstol Pablo imaynatachus “Atenas llajtayoj runas[man]” chayarqa ajinallatataq kay revistawan runasman chayayta munanchik (Hech. 17:22). Chay runasqa cristiano kawsaymanta mana yacharqankuchu, nitaq Diospa Palabranmanta riqsirqankuchu. ¡Despertad! revistataq pikunachus Diospa Palabranta mana riqsinkuchu chaykunapaq ruwasqa kachkan. Ichapis chay runasqa cristiano kawsaymanta ni imata yachankuchu, religionpi mana creenkuchu, Biblia kawsayninchikpi yanapayta atiwasqanchiktapis. Kay revistaqa chiqa Dios kasqantapuni runasman rikuchiyta munan. Astawanpis Diospa Palabranpi iñinankupaq kallpachayta munan, Jehovamanta sutʼinchaqkuna mana wak religionesjinachu kasqankutapis.
3. Tukuypaq, qutuchakuypaq ima Torremanta Qhawaq revistas, ¿pikunapaqtaq ruwasqa kachkanku?
3 Torremanta Qhawaq. Tukuypaq urqhusqa revistaqa Diospi, Palabranpi ima creeqkunapaq ruwasqa kachkan. Chay runasqa wakin yachachiykunata yachanku, chaywanpis mana sutʼitachu entiendenku. Paykunaqa Pablop tiemponmanta runasman rikchʼakunku, pikunamanchus nirqa: “[Qamkuna] Diosta manchachikojkuna”, nispa (Hech. 13:14-16). Qutuchakuypaq urqhusqa revistataq Jehovamanta sutʼinchaqkunapaq kachkan. Pikunachus Pablop cartasninta ñawiriq kanku, Diospa Palabranmanta chantá chiqa yachachiykunasmanta yachasqankuta repararqa (1 Cor. 1:1, 2). Kikillantataq qutuchakuypaq urqhusqa revista, tantakuyninchikman riqkunapaq chantá Bibliap yachachiykunasninta sumaqta riqsiqkunapaq ruwasqa kachkan.
4. Willaypi revistasta saqinapaq, ¿imaraykutaq sapa jukta riqsinanchik tiyan?
4 Willaypi iskaynin revistasta rikuchispapis, jukllamanta parlanchik. Chayrayku sapa revistata allinta riqsinapaq kallpachakunanchik tiyan. Ajinallamanta imaschus runasman astawan interesasqanmanta sutʼinchasunchik.