Diospa sutin jatunchasqa kachun
1. Kay 2012 watapaq iskay pʼunchaypaq jatun tantakuy, ¿imataq sutichakunqa? ¿Ima pʼitimantataq urqhukun?
1 Kay 1931 watamantapacha Jehovamanta sutʼinchaqkunajina riqsisqa kanchik. ¡May kusisqa sientekunchik Tukuy Atiyniyuq Diospa sutinta apasqanchikmanta! Payllataq kay sutita quwanchik (Isa. 43:10). Jesuspis Tatanpa sutinta jatunpaq qhawaq, chayraykutaq padrenuestro mañakuypi sutinta ñawpaqta uqharinanchikta yachachirqa (Mat. 6:9). Kay 2012 watapaq —2011 septiembre killamanta 2012 agosto killakama— iskay pʼunchaypaq jatun tantakuy “Diospa sutin jatunchasqa kachun”, nisqa sutichakunqa. Kaytaq padrenuestro mañakuymanta urqhukun.
2. ¿Imasmantá jatun tantakuypi umallirichikunqa?
2 ¿Imastá uyarisunchik? Sábado pʼunchaypaq “Precursoresjina Diospa sutinta riqsichinachik”, nisqa umallirichiypi imaraykuchus precursoresjina llamkʼay may kusiyta apamuwasqanchikta parlarikunqa. Chantapis tawaman tʼaqasqa umallirichiy “Diospa sutinta mana pisipaq qhawachinachu”, nisqapi tawa tuqllaspi mana urmanapaq yanapawasunchik. “Diospa sutinta jatunchana”, nisqa umallirichiypitaq kay tapuykunasman kutichikunqa: ¿Imataq yanapawasun runas mana Diosmanta uyariyta munaptinku? ¿Imataq yanapawasun willayninchikpi astawan runas yachakunankupaq? Domingo pʼunchaypitaq tawaman tʼaqasqa umallirichiypi, Diospa sutinta imaynatachus jatunchayta atisunman yuyasqanchikwan, parlasqanchikwan, akllayta atisqanchikwan, allinta kawsasqanchikwan ima sutʼinchakunqa. “Jehová Armagedonpi sutinta jatunchanqa”, nisqa umallirichiyta ñawpaq kutillaraq riqkuna, astawanchá uyariyta munanqanku.
3. ¿Imatá ruwayta atinchik chantá imaynatá wakichikusqan yanapawasunchik?
3 Jehovaqa tumpamantawan sutinta jatunchanqa (Eze. 36:23). Chay pʼunchay chayamunankamataq Diospa santo sutinta jatunchanallapuni. Kay iskay pʼunchaypaq wakichikusqan, tukuyta Diospa sutinta apanallapaqpuni yanapawasunchik.