Jehovata sirvisqanchikta jatunpaq qhawana
1. ¿Imatá willayninchikmanta achkha runas yuyanku?
1 Satanás kay pachapi kamachisqanrayku, achkha runas willayninchikta “wampu” runaspa ruwaynintajina qhawanku (1 Cor. 1:18-21). Chay yuyaymanta mana jarkʼakuptinchik llawchhiyasunman chantapis willayninchik pisiyanman (Pro. 24:10; Isa. 5:20). Jehovamanta sutʼinchaqkuna kasqanchikta, ¿imasraykutaq jatunpaq qhawananchik tiyan? (Isa. 43:10.)
2. ¿Imaraykutaq willay Diospa evangelion kasqanta nisunman?
2 Diospa evangelion. Apóstol Pablo willaytaqa, “Diospa evangelion[...]” kasqanta nirqa (Rom. 15:15, 16). Kay willaypi santo kaq Diospa munaynin juntʼakunanpaq yanapachkanchik, sutintataq jatunchachkanchik (1 Cor. 3:9; 1 Ped. 1:15). Jehovaqa willayninchikta “uj sumaj jaywanatapis jaywashasunmanjina” qhawan, chayrayku payta yupaychanapaq ruwananchikpuni tiyan (Heb. 13:15).
3. ¿Imaraykutaq Diosmanta willay mana imawanpis kikinchakunchu?
3 Allin willaykunata willayqa mana imawanpis kikinchakunchu, manataq kay llamkʼaypi tukuychu yanapakunku. Angelesqa chayta mayta ruwayta munankuman (1 Ped. 1:12). Maychus kanantajina ruwankuman. Chaywanpis Jehovaqa “tʼuru vasos[jina]” kaqkunaman chay ruwayta quwanchik (2 Cor. 4:7).
4. ¿Imaynatá willayninchikta may jatunpaq qhawasqanchikta rikuchisunman?
4 Jatunpaq qhawana. Kawsayninchikpi willayta jatunpaq qhawasun chayqa “aswan allin kajta ajllayta yacha[sunchik]”, ajinamanta sapa semana willamunapaq tiempochakusun (Fili. 1:10). May riqsisqa conjuntopi tocayta yachasqanchikta tʼukurina. Kay ruwayta may jatunpaq qhawasqanchikrayku, sapa tocana kaptin wakichikusunman chantapis aswan sumaqta tocayta yachakusunman. Kikillantataq willayman lluqsinapaqqa “cheqa kaj palabrata maychus kajta yachachi[napaq]” wakichikuna tiyan chantá “allinta yachachi[napaq]” kallpachakuna (2 Tim. 2:15; 4:2).
5. ¿Pikunataq willayninchikta may jatunpaq qhawanku?
5 Runaspa nisqankuwan mana llawchhiyachikunachu tiyan. Achkha runasraq wasisninkuman chayasqanchikrayku agradecekunku. Jehová allinta qhawanawanchikta munanchik runasmanta nisqaqa. Chayrayku willayninchikpi sinchita llamkʼasqanchikta may jatunpaq qhawasqanta nisunman (Isa. 52:7).