¿Imasraykutaj willanchej?

¿Imaraykutaj wasimanta wasi willanchej, yachachinchej ima? Llampʼu sonqoyoj runasta, ¿kausayman pusaj ñanta tarinankupaj yanapananchej kasqanraykuchu? (Mat. 7:14.) Mana, imaraykuchus mana chayraykullachu runaman willaj rinchej. Chantá, ¿imaraykutaj astawan runasman willaj rinchej?

1. ¿Runas wiñay kausayta japʼinankuraykuchu? (Juan 17:3.)

2. ¿Runas sajra ruwayninkumanta pesachikunankuraykuchu? (Eze. 3:18, 19.)

3. ¿Bibliaj profecian juntʼakunanraykuchu? (Mat. 24:14.)

4. Jehovaj cheqan kayninta rikuchisqanrayku. Jehová sajra runasta chinkachejtin, ¿ni pi mana willasqankuta mana ninanraykuchu? (Hech. 17:30, 31; 1 Tim. 2:3, 4.)

5. Willayman llojsisqanchejqa, ¿Dios kamachiwasqanchejman jina, Cristoj llawarninwan runasta rantisqanrayku Diosta rejsinankupaj yanapananchejraykuchu? (Rom. 1:14, 15.)

6. ¿Sajra runas wañunankumanta mana juchayojchu kananchejraykuchu? (Hech. 20:26, 27.)

7. ¿Salvacionta tarinapaj runaman willamunanchejraykuchu? (Eze. 3:19; Rom. 10:9, 10.)

8. ¿Runamasinchejta munakusqanchejta rikuchinapaj yanapawanchejraykuchu? (Mat. 22:39.)

9. ¿Jehová Diosta, Jesusta ima kasukusqanchejta rikuchisqanraykuchu? (Mat. 28:19, 20.)

10. ¿Jehová Diosta yupaychallasqanchejraykuchu? (Heb. 13:15.)

11. ¿Jehová Diosta munakusqanchejta rikuchisqanraykuchu? (1 Juan 5:3.)

12. ¿Diospa sutin jatunchasqa kananpaj yanapasqanraykuchu? (Isa. 43:10-12; Mat. 6:9.)

Chaywanpis mana kaykunaraykullachu willaj llojsinchej. Manaqa creeyninchejta kallpachasqanrayku, Dioswan khuska llankʼanapaj yanapawasqanchejrayku ima willamullanchejtaj (1 Cor. 3:9). Chaywanpis Diospa sutinta jatunchayta munasqanchejrayku willayman astawan llojsinchej, willayninchejta runa uyariyta munajtinpis chayri manapis. Chantapis willaj risqanchejqa, Satanás churanakusqanman, Jehová allinta kutichinanpaj yanapan (Pro. 27:11). Chayrayku “sapa pʼunchay mana saykʼuspa” sumaj willaykunamanta willamunallapuni (Hech. 5:42).