Ama manchachikuychu
1. ¿Maypi willanaykipaqtaq kallpachakunayki tiyan, chantá imaraykutaq?
1 Asipayasunankuta manchachikusqaykirayku, ¿manachu yachaywasipi compañerosniykiman Diosmanta willayta atillarqanki? Diosmanta willanapaqqa kallpachakuna, astawanraq manchali kaspaqa. Qhawarina imaschus yanapasunkiman.
2. Yachaywasipi willaspa, ¿imaynatá allin yuyayniyuq kasqaykita rikuchiwaq?
2 Sumaqta yuyaychakuy. Yachaywasipi astawan willanayki kaptinpis, mana tukuymanpunichu Bibliamanta willanayki tiyan, imaynatachus wasimanta wasi willanchikjinataqa. Maykʼaqchus Bibliamanta willanaykipaq allinta yuyaychakuy (Ecl. 3:1, 7). Ichapis juk yachaqanamanta yachakuchkaptiyki chayri tareata qusuptinku creeyniykimanta parlariyta atiwaq. Chayri, ichapis juk compañeroyki yachaywasipi imaraykuchus raymispi mana kasqaykita tapurisunkiman. Wakin cristianosqa, clases qallarichkaptin yachachiqninkuman, Jehovamanta sutʼinchaqkuna kasqankuta willanku, chantá imapichus creesqanchikta sutʼinchaq publicacionesta jaywanku.
3. ¿Imaynatá yachaywasipi Bibliamanta parlanaykipaq wakichikuwaq?
3 Wakichikuy. Wakichikuptiykiqa, Diosmanta sutʼinchayta atillanki (1 Ped. 3:15). Chayrayku ima tapuykunatachus, imaynatachus kutichinaykipi ima tʼukuriy (Pro. 15:28). Ichapis atikuptinqa Bibliata, Razonamientota, Waynaspata sipaskunapta nisqa librota, chayri Diospa ruwasqasninta sutʼinchaq publicacionesta apawaq, chay publicacionesmanta sutʼinchanaykipaq. Chantapis tatasniykita imaynatachus yachaywasipi tapuykunasman kutichinaykita familiapi Diosta yupaychaypi ukhuncharinaykichikta mañawaq.
4. ¿Imaraykutaq yachaywasipi willanallaykipuni tiyan?
4 Uyarisunankupi yuyay. Ama yuyaychu compañerosniyki Diosmanta willaptiyki asipayasunankuta. Ichapis wakinkuna mana manchachikuspa willasqaykirayku allinpaq qhawasunqanku, uyarisunqanku ima. Chaywanpis mana ni pi uyarisuptinqa ama llakikuychu. Imaraykuchus willayta munasqaykimanta Jehová kusikun (Heb. 13:15, 16). “Ama manchachikuspa” willanallaykipaqpuni, Jehovamanta yanapata mañakullaypuni (Hech. 4:29, 30; 2 Tim. 1:7, 8). Chantá pillapis uyarisuptin imayna kusisqachus sientekunaykipi tʼukuriy. Ichapis maykʼaqllapis Diosta yupaychaqman tukunqa.