Runasta Jesuspa yachachisqasninman tukuchimuna
1. ¿Imaynamantataj runas salvakunkuman?
1 Kay 2013 septiembre killamanta, 2014 agosto killakama, Diospa llajtanqa sonqo kʼajaywan Reinomanta sumaj willaykunata willarqa (Mat. 24:14). ¿Imaynamantataj ashkha runasman Bibliamanta willanchej? Wasimanta wasi, campañas ruwakojtin tratadosta chayri invitacionesta jaywaspa, carritoswan willaspataj. Chaywanpis salvakunankupajqa, Bibliamanta yachachina Jesuspa yachachisqasninman tukunankupaj (1 Tim. 2:4).
2. Bibliamanta yachachiyta munaspa, ¿imastataj tapurikusunman?
2 Bibliamanta yachachina. Uj runa Bibliamanta yachakuyta munajtin, ¿maypichus tiyakusqanta tapurinkichu, usqhayllatatajchu yachachiyta qallarinapaj kutinki? ¿Maykʼajtaj uj runawan Bibliamanta parlarispa yachachiyta munasqaykita nerqanki? Revistasta sapa kuti saqenki chaykunaman, ¿Bibliamanta yachachiyta munasqaykita nerqankichu? Llankʼaymanta, escuelamanta, compañerosniykiman, vecinosniykiman, familiaresniykiman, waj rejsisqasniykimanpis, ¿qhawacherqankichu, ¿Imaraykutaj Bibliamanta yachakuna? ¿Imaynatá Bibliamanta yachachiyku? nisqa videosta? Carritowan willashaspa, ¿kallpachakunkichu Bibliamanta yachakunapaj publicacionta apakojkunaman, yachachisqanchejta willarinaykipaj?
3. ¿Imastá necesitanchej wajkunaman allinta yachachinapaj?
3 Jehovawan, Jesuswan yanapawanchej. Jesusqa runasta yachachisqasninman tukuchimunata kamachishaspa ‘riychej’ nerqa. Jinamanta rikucherqa chayta ruwananchejpajqa kallpachakuna kasqanta. Chaywanpis, payqa mana sapallanchejtachu saqerpawanchej, astawanqa yanapanawanchejta nerqa (Mat. 28:19, 20). Jehovataj espíritu santonta, runaman yachachinapaj yanapasta qowanchej, wakichiwanchejtaj (Zac. 4:6; 2 Cor. 4:7). Noqanchejtaj Diosmanta mañakusunman chay llankʼaypi yanapakunanchejpaj (Fili. 2:13).
4. ¿Imaraykutaj runasta Jesuspa yachachisqasninman tukuchimunapaj kallpachakuna?
4 Sumaj willaykunata willaspaqa mayta kusikunchej. Astawanraj, pillamanpis Bibliamanta yachachispa, noqanchejwan khuskataj “kawsayman pusaj” ñanpi kananpaj yanapaspaqa (Mat. 7:14; 1 Tes. 2:19, 20). Chantapis, runasta Jesuspa yachachisqasninman tukuchimunapaj kallpachakojtinchejqa, Jehovata kusichinchej. Imajtinchus Payqa mana “munanchu pipis juchanrayku chinkayman rinanta. Astawanqa pay munan tukuy runas Diosman kutirikunankuta” (2 Ped. 3:9).