Aswan sumaj yachachejkuna kana: Bibliamanta yachakojkunata wakichina
¿Imaraykutaj ruwananchejpuni tiyan? Jesuspa kamachisqasninman tukojkunaqa, “imatachus” pay kamachisqanta kasukuyta yachananku tiyan. Ujtaj kanman runasman Diosmanta yachachiy (Mat. 28:19, 20). Wakenqa, Diosmanta Parlayta Yachanapaj tantakuypi umallirichinankupaj anotasqaña kanku. Chantapis ichá Diosmanta willarinkuña familiaresninkuman, amigosninkuman ima. Yachakusqankuman jinataj astawan Diosta munakonqanku. Jehovaqa, tukuy runas sumaj willaykunata uyarinankuta munan. Chayta entiendespataj yachakojkunaqa, ichá willaj llojsiyta munanqanku (Rom. 10:13, 14). Willaj llojsinankupaj jinaña kajtinkutaj, yanapananchejta necesitanqanku, mana manchachikuspa willanankupaj. Ajinamanta rikukun Diosta yupaychaypi ñauparishasqanku (Luc. 6:40).
Killantinta kayta ruway:
Wasimanta wasi willaj rispa, yachakuyta munajkunaman kutispa chayri Bibliamanta yachachej rispa, mosoj willajwan riy. Niraj piman yachachishankichu chaytaj, kunallanraj willaj llojsejwan riwaj.