CRISTIANO KAUSAYNINCHEJ
Wasimanta wasi predicashaspa runasta respetasqanchejta rikuchina
Noqanchejqa runaspa “qhawakunan” kanchej (1Co 4:9). Chayrayku ama llakikunanchejchu tiyan wakin wasiyojkuna predicashajtinchej ventanankumanta qhawamuwajtinchej chayri punku wasamanta uyarimuwajtinchej. Ichá wakenqa qhawawasunman cámara de seguridad nisqawan, uj microfononejtataj parlasqanchejta uyariwasunman, grabawasunman ima. Wasimanta wasi predicashaspa imatachus ruwanata qhawarina (2Co 6:3).
KAUSASQANCHEJ (Flp 1:27)
Runasta respetanchej wasinku ukhuta mana qhawaspa. Runaj wasin punkupi kashaspa ama mikhunachu, nitaj imatapis tomanachu, nillataj celularnejta parlanachu, nitaj mensajesta apachinachu.
PARLASQANCHEJ (Ef 4:29)
Wasiyoj punkuta kichamunankama, ama imamantapis parlanallachu. Wakin hermanosqa runa llojsimunankama predicashanku chay hermanowan mana parlankuchu, imatachus wasiyojman ninankupi tʼukurishasqankurayku.