Aswan sumaj yachachejkuna kana: Yachakuyta munajkunaman kutina

¿IMARAYKÚ RUWANANCHEJ TIYAN? Diospa Gobiernonmanta willayninchejta uyarej runasqa, Diosmanta cheqan kajta yachakuyta munanku (Isa 55:6). Astawan yachakunankupajtaj kutinanchejpuni tiyan. Runasqa imaymana problemasniyoj kanku, chayrayku problemasninkuman jina parlarinanchej tiyan. Jinapis allinta yanaparinapajqa sumajta wakichikunanchej tiyan, reparanataj imapichus paykunata yanapariyta munasqanchejta, jinamanta Bibliamanta estudiayta qallarinankupaj.

¿IMAYNATÁ RUWASUNMAN?

• Usqhayta kutinapaj kallpachakuna, ichapis pisi diasninman (Mt 13:19).

• Kʼachas kana, respetanataj. Paykunawantaj pacienciakuna.

• Kʼachamanta napaykuriy, sutinmantapunitaj parlariy. Imaraykuchus kutisqaykita niy. Ichá niwaj uj tapuyman kutichinaykipaj risqaykita, mosoj revistata apapusqaykita, Internetpi jw.org nisqamanta parlarinaykipaj, uj videota rikuchinaykipaj chayri imaynatachus Bibliamanta yachachisqanchejta rikuchinaykipaj kutisqaykita. Ima llakiyninmanta parlarisojtintaj, chayman jina parlariy (Flp 2:4).

• Bibliamanta parlarisqayki runaj sonqonpi wiñanallanpajpuni, uj textota leeripuy chayri uj publicacionta saqey (1Co 3:6). Wasiyoj uj amigonta chayri amiganta jina qhawanawanchejpaj kallpachakuna.

• Qhepanpi rejtinchej yachakuyta munananpaj jinallapuni parlarina.