Jehová Diosta jatunchana kusiywan takispa

Pablowan Silaswan carcelpi kashajtinku, takispa Jehovata alabarqanku (Hch 16:25). Chaytaj sinchʼita sayanankupaj yanaparqa. Kunanpis salonpi takinapaj ashkha takiykuna kapuwanchej, jw.org nisqapipis takiykuna kallantaj. Chay takiykunata takeyqa kallpachawanchej, llakiykunata aguantanapajtaj yanapawanchej. Chantapis takispaqa Jehová Diosninchejta jatunchanchej (Sl 28:7). Diospa Llajtanta Kamachejkunaqa, wakin takiykunallatapis umanchejpi japʼinanchejta niwanchej. ¿Mayqellantapis yachanchejñachu? Familiapi Diosta yupaychashajtinchej, chay takiykunata yachakusunman.

WAWASQA JEHOVÁ DIOSMAN TAKISPA PAYTA JATUNCHANKU NISQA VIDEOTA QHAWAYTAWAN, KAY TAPUYKUNAMAN KUTICHIY:

• 

  ¿Imaynatá Jehová Diosman takiy yanapawanchej?

• 

  Grabacionesmanta videosmantawan encargakoj hermanos, ¿imaynatá uj takiyta grabanankupaj wakichikoj kasqanku?

• 

  ¿Imatataj ruwanku wawas, familiasninku ima, niraj uj takiyta grabashajtinku?

• 

  ¿Mayqen takiykunataj gustasunki, imaraykutaj?