Estudianapaj yuyaychaykuna

“Diosta alabanapaj” takiykunata de memoria yachakuy

“May llakisqa kashajtiy Jehovaqa JW Broadcasting^® nisqapi takiykunanejta kallpachawan” (Lorraine, Estados Unidos).

Cristianosqa ñaupa tiempomantapacha ‘Diosta alabanapaj takiykunataʼ takejpuni kanku (Col. 3:16). Chay takiykunata de memoria yachakoyqa qantapis mayta yanapasunkiman, takinapaj libro mana kapusojtinpis chayri uj aparato mana kapusojtinpis. Kay urapi kashan wakin yuyaychaykuna, chayman jina ruwawaj.

• Tiempocharikuy takiykunaj letranta leenaykipaj, entiendenaykipaj ima. Imatapis sumajta entiendenchej chayqa, aswan facilta chayta yuyarikunchej. Jw.org paginapeqa tukuy takiykunasninchejpa letrasnin kashanku, JW Broadcastingpi kaj takiykunaspa letrasnin, wawaspaj takiykunaj letrasnin ima. Chaykunata tarinaykipajqa “Publicaciones” nisqaman yaykuspa “Música” nisqata ñitʼiykuy.

• Letranta uj papelpi escribikuy. Chay yanapasonqa chay takiykunata de memoria yachakunaykipaj (Deu. 17:18).

• Jatunmanta practicay. Letranta leey chayri chay takiyta kutin kutita takiy.

• Yuyarikusqaykitachus manachus tanteariy. Chay takiypa letranta mana qhawaspalla yuyarikunaykipaj kallpachakuy, chaymantataj imaynachus risusqanta yachanaykipaj letranta qhawariy.