Aswan sumaj yachachejkuna kana: Wasiyoj imamantachá parlariyta munan chayman jina parlarina

¿IMARAYKUTAJ RUWANANCHEJPUNI TIYAN? Ajllasqa cristianos, waj ovejasmanta kajkuna ima, tukuy runasta wajyarinchej “kausayta qoj yakuta qhasilla” ujyanankupaj (Ap 22:17). Chay yakoqa ninakun imatachus Jehová Dios ruwasqanwan kasukoj runasta juchamanta, wañuymanta ima salvananpaj. Waj jina costumbresniyoj, waj religionniyoj runasta yanapanapajqa, “wiñay wiñaypaj sumaj willaykunata” uyariyta munanankupaj jina willarinanchej tiyan (Ap 14:6).

¿IMAYNATÁ RUWASUNMAN?

• Maypichus predicanki chaypi tiyakoj runaspa sonqonman chayanaykipajqa, ajllay imamantachus parlanaykita, uj textota ima. Kay folletopi predicanapaj yuyaychaykuna tiyan chayman jina parlariwaj chayri wakichikusqaykiman jina allin risunki chayqa, chayman jina parlariwaj. ¿Imamanta parlaytaj chayri ima textotaj allin predicanapaj? ¿Ima noticiasmantataj runas astawan parlashanku? ¿Imasmantataj qharis chayri warmis parlayta munanku?

• Sumajta qhawariy tiyakunki chaynejpi imastachus runas ruwasqankuta, imaynatachus saludanakusqankuta ima, chayman jinataj parlariy (2Co 6:3, 4).

• Bibliata estudiachinapaj publicacionesta, videosta ima sumajta rejsiy. Ajinamanta yanapayta atinki yachakuyta munajkunata.

• Predicanki chaypi ima idiomatachus runas parlasqankupi publicacionesta chayri videosta uraqachiwaj.

• Imamantachus wasiyoj parlayta munasqanman jina parlariy (1Co 9:19-23). Wasiyoj ujnin familiarnin wañupusqanta willarisojtin, imatachus ninaykipi piensariy.

VIDEOTA QHAWAYTAWAN, KAY TAPUYKUNAMAN KUTICHIY:

• ¿Imamantataj hermano wasiyojwan parlayta qallarerqa?

• ¿Imataj wasiyojta llakichisharqa?

• ¿Imaraykutaj hermano chay textota ajllarqa?

• ¿Imaynatá parlanki maypichus predicanki chaypi runas uyarisunankupaj jina?