Aswan sumaj yachachejkuna kana: Intercomunicadornejta predicana

¿IMARAYKUTAJ RUWANANCHEJPUNI TIYAN? Suwas mayta yapakushasqanrayku ashkha runasqa, wasisninkuman camarasta chayri intercomunicadoresta churachikunku. Ichapis manchachikusunman chay aparatosnejta predicayta. Imajtinchus chay runastaqa mana rikunchejchu, jinapis paykunaqa qhawamushawanchej. Camaranejta chayri intercomunicadornejta mana manchachikuspa predicanapajqa, kay yuyaychaykunaman jina ruwasunman.

¿IMAYNATÁ RUWASUNMAN?

• Ama manchachikunachu. Camarasniyoj chayri intercomunicadoresniyoj kajkunaqa noqanchejwan parlariyta munashanku.

• Wakin camarasqa niraj timbreta ñitʼiykushajtinchej, grabashankuña. Wasiyojkunataj uyarimushawasunman, qhawamushawasunmantaj punkunkuman chimpaykusqanchejmantapacha.

• Wasiyoj parlamuwajtinchejqa, uyapurapis paywan parlashasunman jina parlarina. Asirina, imaynatachus runawan parlarinchej, ajinallata parlana. Imatachá niyta munarqanchej chayllata nina. Cámara kajtenqa ama anchata kʼaskaykunachu.

• Wasiyojwan parlariytawanqa, ama qonqanachu pay uyarimushallawasqanchejtapuni, qhawamushallawasqanchejtapunitaj.