CRISTIANO KAUSAYNINCHEJ
Kay videoswan Bibliamanta yachachiyta qallarina
Estudiosta ruwanapajqa tawa videos tiyapuwanchej. ¿Imapajtaj sapa video kashan, chanta imaynatataj predicacionpi chaykunawan yanapachikusunman?
¿Imaraykutaj Bibliamanta yachakuna? (tukuynin video). Kay videoqa ruwasqa kashan runas Bibliamanta yachakuyta munanankupaj jina, ima creenciasniyoj kajtinkupis. Kausaymanta tapukusqankuman Bibliapi kutichiykunata maskʼanankuta nishan, ujnin tapuyman kutichispataj rikuchishan waj tapuykunamanpis maychus kajtapuni Biblia kutichisqanta. Videoj tukukuyninpitaj nishan Bibliamanta yachakuyta munaspa imatachus ruwanata.
¿Imaraykutaj Bibliamanta yachakuna? (juchʼuy video). Kay video chay ujnin video jinallataj kajtinpis, khuskanpa khuskitallan. Chayrayku ocupasqalla kanku chay lugarespi tiyakoj runasman rikuchinapaj, may sumaj.
¿Imaynatá Bibliamanta yachachiyku? Kay videoqa ruwasqa kashan mana cobraspalla imaynatachus Bibliamanta yachachisqanchejta runas astawan yachayta munanankupaj jina. Imaynatachus Bibliamanta yachachisqanchejmanta tapukusqankumantaj kutichishan. Por ejemplo, willashan imatachus ruwankuman Bibliamanta yachakuyta munajtinku.
May sumajpuni Bibliamanta yachakuyta munasqayki. Kay videotaqa rikuchikun Bibliamanta yachakojkunaman. Kay videomanta Wiñaypaj kusisqa kausakuy libroj iskay paginanpiraj parlashajtinpis, folletota ukhuncharishaspapis rikuchiyta atillasunmantaj. Videopi nishan imamantachus chay libro parlasqanta, sutʼinchashantaj imaynatachus chay librota estudianata.
Kay tawa videos mana kikin imaspajchu ruwasqa kajtinpis, pipajpis sumaj kasqanta reparanchej chayqa, chaykunamanta mayqellantapis rikuchillasunman chayri apachillasunman. Kallpachakuna chay videosta sumajta rejsinapaj, predicacionpitaj chaykunawan sumajta yanapachikunapaj.