Jesús “kasukoj kayta yachakorqa”

Jesusqa Jehovata kasukunpuni (Juan 8:29). Chanta, ¿imajtín Biblia nin ‘ñakʼarisqanrayku kasukoj kayta yachakusqanta’? (Heb. 5:8).

Jesusqa kay jallpʼapi kashaspa mosoj imaspi rikukorqa, mayqenkunapichus cielopi kashaspa mana rikukorqachu chay imaspi. Tatasnenqa Jehovata munakojtinkupis pantaj runas karqanku, paykunatataj kasukunan karqa (Luc. 2:51). Mana chayllachu, religionta kamachejkunapis waj kamachejkunapis qhasimanta sufricherqanku (Mat. 26:59; Mar. 15:15). Chantapis sonqo nanayta wañorqa. Chayrayku Biblia nin: “Kʼumuykukorqa, wañunankamataj kasukorqa”, nispa (Fili. 2:8).

Chay imaspi rikukusqanrayku, Jesusqa kay jallpʼapi kashaspa mosoj imaspi kasukoj kayta yachakorqa. Ajinamanta sumaj Reyman, sumaj Kuraj kaj Sacerdoteman tukorqa. Chayraykutaj payqa sumajta entiendeyta atiwanchej (Heb. 4:15; 5:9). Mayta sufrispa kasukoj kayta yachakusqanrayku Jehovapaj aswan valorniyoj karqa, yanapakunanpajpis aswan sumaj wakichisqa karqa. Sichus noqanchejpis sinchʼi llakiykunapi kaspa kasukoj kayta yachakusun chayqa, Jesús jinallataj kasun (Sant. 1:4).