4. PERDUNANACUY

¿CAYGA IMA NINANTAJ?

Pilatapis perdunarga manana yarpashwannachu ofendimashganchita ni nanapärishwannachu. Cayga manami ninanchu jinalami jaguirinapaj, sinoga ima pasashganpita parlarcushwan.

BIBLIAGA NIN: “Jagayächinacur-imarga perdunanacuy” (Colosenses 3:13, Tayta Diosninchi Isquirbichishan).

Aaron jutiyoj runaga nin: “Pilatapis cuyashpanchiga, manami yarpashwannachu pastashgancunamana, sinoga ali rurananpaj calpachacushganta ricashwan”.

¿IMANIRTAJ CHAYTA RURANQUIMAN?

Rabiashgala cacurga, gueshyapis rasla charishunqui, nircur mishiwan algu goyajno majayquiwan goyanqui.

Julia jutiyoj warmi nin: “Juc cuticho runä perdunta mañamargan, alapa sasa cargan laquichimashganpita perdunanäpaj. Chayno captinpis perdunargämi. Más aliga canman jinan horacho perdunaptë, chaynopa mana ajayash cacömanchu cargan”.

¿IMATARAJ RURANQUIMAN?

YARPACHACUY

Majayquipa ruraynincuna laquichishuptiquiga, cayman yarpachacuy:

• ¿Imalapitapis jucla rabiacurinqui?

• ¿Perduntaraj mañashunayquita munanqui, o gongayta puedinquichu?

MAJAYQUIWAN PARLACÄRINAYQUIPAJ

• ¿Imalapis captinga jinan horachocu perdunacunanchi?

• ¿Imacunataraj rurashwan jinan hora perdunacunanchipaj?

CAYCUNATA RURAY

• Majayqui laquichishuptiquiga, ama yarpaychu adrede rurashganta.

• Lapanchimi imalachopis pantanchi, chaymi ama rasla piñacuychu majayquiwan (Santiago 3:2).

Kimberly jutiyoj warmi nin: “Ishcanchi pantarcuptinchiga facilmi perdunacunanchi, pero juclayla pantaptinga manami facilchu. Humilde cananchi pitapis shongupita perdunanapaj”.

BIBLIAGA NIN: “Jukla arreglapäkuy” (Mateo 5:25).