¿Imataj Diospa Gobiernun?

QUIQUIN BIBLIA NINGAN

“Tayta Diosmi cielucho camacächimunga juc mana ushacaj gobiernuta.” (Daniel 2:44, Traducción del Nuevo Mundo.)

“Juc wamratami Tayta Dios gomashcanchi. Paytami munayninta gosh[g]a mandananpaj.” (Isaías 9:6, Tayta Diosninchi Isquirbichishan.)

CAYTA MUSYAYGA IMANOTAJ YANAPÄMANCHI

• Yanapämayninchita puedej ali Gobiernumi (Isaías 48:17, 18).

• Ichiclachonami chay Gobiernuga Mushoj Pachacho cushishga y mana gueshyaypa cawachimäshun (Apocalipsis 21:3, 4).

¿IMA PRUEBALAPIS CANCU BIBLIAMAN CREINAPAJ?

Awmi, ishcaylata ricärishun:

• Jesusmi ricächicurgan Diospa Gobiernun imata ruramunanpaj cajta. Gatejnincunata Diosta mañacärinanpämi yachachirgan: Gobiernun shamunanpaj y Pachacho munaynin ruracänanpaj (Mateo 6:9, 10). Jina mañacäringan imano cumplicänanpaj cajtapis yachachirganmi.

  Pachacho caycarmi Jesusga wacchacunata micuynin gorgan, gueshyaycajcunata jampirgan, jina wanushgacunatapis sharcarachimurgan (Mateo 15:29-38; Juan 11:38-44). Rey cananpaj cajta musyarnami chayno ali cosascunata rurargan, y gobernamuptinga mastarämi ruranga (Apocalipsis 11:15).

• Canan wichan pasaycangancunami ricächicun ichiclachona Diospa Gobiernun shamunanpaj cajta. Jesusmi wilacurgan Diospa Gobiernun jauca cawayta manaraj apamuptin cay Pachacho guerracuna, micanaycuna y terremotucuna cananpaj cajta (Mateo 24:3, 7).

  Canan wichanmi chay lapan mana alicunata ricaycanchi. Chaymi seguro caycanchi Diospa Gobiernun ichiclachona chay problemacunata ushacächinanpaj cajta.