¡BAUTIZACÄRICHUN!
YACHACUY 10
Maquinchichomi caycan
Biblia cayno tantiachicun: “Gamcunaraycu asta wañurpis wañömanmi caran. Gamcunataga fiyupami cuyarä” (1 Tes. 2:8).
¿Imatataj Jesús rurargan?
1. Ricänapaj caycan juc VIDEO o Juan 3:1, 2 textutapis leiriy. Nircur yachacuy cay tapucuycunapita:
¿Imanir-raj Nicodemuga chacaylapa Jesusman aywargan? (Ricarcuy Juan 12:42, 43 textutapis).
Jesusga Nicodemuta nirganchu ‘junajpa shamunquiman cargan’ nir, ¿chauraga ima nishwantaj Jesús imay horapis yachachicushganpita?
¿Imatataj yachacunchi Jesús rurashganpita?
2. Runacunata cuyashpanchimi, maquinchicho caycan paycunapis bautizacurir Diosta sirvir galaycärinanpaj.
Jesús rurashganno rurashun
3. Bibliapita yachacojcunaga, ¿imay horataj yachacuyta munapäcun? ¿Junajpachuraj o chacaypachuraj? ¿Wasincho tincunanchitaraj munapäcun o chacrancho o michicuycashgan sitiucho? Chay lapanta musyapacaramurga, calpachacuycanchimi aywanapaj.
4. ¿Ilaptinchega? Imalapis cashganraycur watucoj mana aywar imarga, alichi canman caycunata ruraptinchi:
Juc junajna aywanapaj camacächishwan.
Telefunulapapis o zumlapapis estudiuta goshwanmi.
Pilatapis ruwacushwanchi trucanchicho aywananpaj.
5. Diosta mañacushun ganas ganasla yachachinapaj. ‘Payga imaylapis hermanüman ticrayta puedingami’ nir, Jehovata ruwacur masla calpachacuycäshun. Jina mañacuptinchirämi musyashun maygan runapis imaraycur estudiaycashganta: ¿imataj shonguncho caycan?, ¿yachacuycashgannonachu cawaycanpis? (Filip. 2:13). Cuentata gocushwan imanotaj paycunaga calpachacäriycan ali runaman ticrapäcunanpaj. ¡Maynachi imalachopis mejorashgana!