¡BAUTIZACÄRICHUN!
YACHACUY 11
Ali tantiachicuylapa parlashun
Biblia cayno tantiachicun: “Tsayno wilakurqa manakaqlapaqmi wilakurkaykanki” (1 Cor. 14:9).
¿Imatataj Jesús rurargan?
1. Ricänapaj caycan juc VIDEO o Mateo 6:25-27 textutapis leiriy. Nircur yachacuy cay tapucuycunapita:
¿Imapitataj Jesús parlamurgan Jehová cuidamashganchita tantiachicunanpaj?
Juc pishgupita Jesús yachachicushgancho, ¿sasa tantianapaj cajpitachu palargan o imatataj nergan fácil-la tantianapaj?
¿Imatataj yachacunchi Jesús rurashganpita?
2. Ali tantiachicuylapa imatapis yachachicurga runacunapa shongunmanmi chayashun, jina parlapashganchitaga jucla gongapäcungachu.
Jesús rurashganno rurashun
3. Lapanpitaraj ama parlashunchu. Bibliapita yachacuycajcunataga librunchicho yurimoj imata yachachinapaj cajlapitami parlapashwan. Ima tapucuylatapis rurapaptinchega pacienciawan shuyaräshun quiquin contestamunanta; lutanta parlacaramuptinpis, ali tantiachinanchiraycur ali shimilapa más tapucuytapis rurapashwanmi. ‘Tantiashcäna’ nimaptinchega gatejnin cajmanna pasashwan.
4. ‘¿Imatataj musyanna, ima mastataj yachachëman?’ nishwanmi. Wanushgacuna sharcamunanpaj cajpita yachachinapaj caycarga alichi canman walcalatapis yarpächiptinchi imataj pasan wanushgacunawan, chaycho musyashun mä tantiaycanchu o manachush.
5. Aliraj yarpachacushun imawan tantiachicunapaj. Chaypäga caycunataraj tapucunanchi:
“¿Jucla tantiarcunanpächuraj yachachicuycä?”.
“¿Imawanpis igualachiptë fácil-la tantiangachuraj?”.
“¿Imatataj ruräman quiquin Bibliapita yachacushganta estudiantëcuna yarpänanpaj?”.