¿Ayca jutiyojta Diosga?

¿Ima nintaj Biblia?

Diosga juc jutiyojlami. Hebreo rimaycho cayno escribichishga יהוה y quechuachoga “Jehová” traducicämushga.a Profetan Isaiasta Dios cayno nirgan: “Nogapa jutïga Yahwehmi” (Isaías 42:8). Diospa jutin yurimun 7.000 cutipitapis masmi unay caj Bibliacunacho, chay jutiga masmi yurimun ima titulucunapita o juc juticunapitapis.b

¿Jehovaga achca jutiyojcu?

Bibliachoga nin Diosga juc jutiyojla cashgantami, pero jucnopapis gayanmi Pay imano canganta musyachicunanpaj. Ricärishun waquin cajcunata. Caycuna musyachimanchi Jehová imano canganta.

Imano cashgan	Bibliapa mayninchotaj yurin	Ima ninantaj
Alá	(Mana canchu)	Alá palabraga árabe rimaypitami shamun. Chayga manami juc jutichu, sinoga “Dios” ninanmi. Árabe Bibliacho y waquin rimaycunachopis Alá nishgan yurimuptinga, waquin idiumacunachoga Dios niycanmi.
Alfa y Omega	Apocalipsis 1:8; 21:6; 22:13	Griego rimaychoga punta caj letraga Alfami, y ushanan caj letraga Omegami, cayga ninan Jehová “galaycunan y ushanan caj” cashganta. Paypita juc dios más mana canchu y manami cangachu (Isaías 43:10).
Mituwan mancata ruraj	Isaías 64:8	Runacunata y naciuncunata mandajmi, mituwan aroj runa mituta manejashganno (Romanos 9:20, 21).
Janacho caycaj	Salmo 47:2	Lapanpitapis más janajcho caycaj.
Imaypis cawaj Awquin	Daniel 7:9, 13, 22	Imapis manaraj captinmi unaypita pacha imayyajpis Diosmi caycan (Salmo 90:2).
Japalanta aduranapaj munaj	Éxodo 34:14, Traducción del Nuevo Mundo	Juc dioscunata adurananchita mana munanchu, sinoga Paylata adurananchitami munan.
Camamajninchi	Eclesiastés 12:1	Lapanta camaj.
Dios	Génesis 1:1	Imatapis aduranapaj caj y lapanta puedej canganta. ‘Elohím’ palabraga ninanmi poderyoj, cuyaylapaj y lapanta ali ruraj canganta.
Ima dioscunapitapis más munayniyoj	Deuteronomio 10:17	Payga fiyupa munayniyoj Diosmi y manami mana valej dioscunanochu (Isaías 2:8).
Yachachicoj	Isaías 30:20, 21, TNM	Ali nänipa pushamajninchi y bienninchipaj yachachimanchi.
Mañacuyta wiyaj	Salmo 65:2, TNM	Wiyamanchi lapan shongunchiwan mañacuptinchi.
Tayta	Mateo 6:9	Cawayta gomaptinchi captin Taytanchimi.
Michicoj	Salmo 23:1, TNM	Sirvejnincunatami yanapan.
Libramajninchi	Isaías 41:14; TNM	Juchapita y wanuypitapis libramanchi Jesuspa wanuyninwan (Juan 3:16).
Imayyajpis cawaj	1 Timoteo 1:17	Imaypis y imaycamapis munayniyoj Rey.
Chapamajninchi gaga	Salmo 18:2, 46, TNM	Imaycapita chapamanchi y salvamanchipis.
Imaycapitapis salvaj	Isaías 45:21	Mana alicunapita, wanuypita y ushacächishga caypitapis salvamanchi.
Santu	Proverbios 9:10	Lapanpitapis más limpio y juchaynaj.
Munayniyoj	Salmo 135:5	Dueño o amo; hebreo rimaycho ’Adhóhn y ’Adhoním ninanmi.
Tayta Dios	Génesis 15:2	Lapanpita más janacho caycaj. Hebreo rimaycho ‘Adhonái’ ninan.
Lapanpaj munayniyoj	Génesis 17:1	Lapanpitapis más poderyoj. Hebreo rimaychomi ‘El Schaddái’ ninmi, chayga ninan “lapanpaj munayniyoj”.
Lapanta mandaj Tayta Dios	Isaías 1:9	Payga lapan tropacuna angelcunapita mandajnin, o “Jehová de los ejércitos” nishpa (Romanos 9:29, TNM).
Nogami cashaj imano canäpaj munashgänola	Éxodo 3:14	Hebreo rimaychoga ninan munaynin ruracänanpaj ima aycata ruranganta, cayga ninanpis ima nishganta ruraj (Traducción del Nuevo Mundo [con referencias], nota). Cayga musyachicun Diospa jutin ima ninan cashganta juj caj versículo nishganno (Éxodo 3:15).

Bibliacho caycaj sitiucunapa jutin

Waquin Bibliacho caycaj sitiucunacho Jehovapa jutinpis yurimun, chayno captinpis manami Diospa jutinchu.

Sitio	Maycho caycanganta Bibliacho	Ima ninan cashganta
Yahweh-nissi	Éxodo 17:15	“TAYTA DIOSMI Banderä”. Jehovaga marcanta yanapan y chapan.
Yahweh-shalom	Jueces 6:23, 24	“Tayta Dios ali kawayta qon”.
Yahweh-shammah	Ezequiel 48:35	“Imayyaqpis kanqa TAYTA DIOS Täkunan”.
Yahweh-yireh	Génesis 22:13, 14	“TAYTA DIOS kamaripan”.

Imanirtaj Diospa jutinta reguishwan y utilizashwan

Jehová Diospäga alapa importantimi jutinpa gayanapaj, chaymi Bibliacho jutinga yurimun achca cutimi (Malaquías 1:11).
Jesucristupis achca cutimi Diospa jutinta musyachirgan. Tantiarinapaj, Jehovata mañacushpan cayno nirgan: “Gampa jutiki respitashqa kaykulätsun” (Mateo 6:9; Juan 17:6).
Diospa jutinta yachacur y utilizayta galaycurga, Jehovawan amigo canapaj yanapämäshun (Salmo 9:10; Malaquías 3:16). Jehovawan ali amigo captinchiga, payga cayno awnimanchi: “Kuyamaqkunataqa noqami salvashaq. Jutïta joqariqkunataqa imaypis noqami rikashaq”.
Bibliaga nin: “Tsayno kaptinpis wakin runakuna yarpan jana patsachöpis y kay patsachöpis tsaytsika dioskuna kashqantami” (1 Corintios 8:5, 6). Pero Jehová jutiga, claro musyachicun Paylami rasunpa Dios cashganta (Salmo 83:18).

a Hebreo rimayta yachajcuna “Yahweh” o “Yahvé” nir traducin.

b Diospa jutin Jah nishganga, 50 cutimi Bibliacho yurin, chayga caycan quechua Bibliacunacho Aleluya nishganchomi, chayga “Jah-ta alabay” ninanmi (Apocalipsis 19:1).