Trataducunawan imano yachachicuyta galaycunapaj

2018 enero quillapita, Imano yachacunapaj publicaciunpa garanchomi yurimushga imapita yachachicunapaj. Chaychomi wilapämashcanchi publicaciuncunalata aypur mana cacunapaj, sinoga shumaj parlapänapaj. Chaymi “Imapita yachachicunapaj” videucuna yanapämanchi piwanpis parlar galaycunapaj y Bibliata utilizänapaj. Y wasin wasin yachachicur aywarga, ¿publicaciuncunata utilizashwanchuraj o mananachu? Awmi, utilizashwanmi. Trataducunaga yanapamashwanmi pilawanpis Bibliapita parlar galaycunapaj. Chaypäga caycunatami yarpashwan:

1. Garancho caycaj tapucuyta tapupäshun y maygan respuestata acrananpäpis nishwan.

2. Ishcay caj paginapa umancho caycaj textuta leinanchi, y maslata leipänanchipaj y parlarcunanchipäga quiquin wasiyojpitanami canga.

3. Chaypitana trataduta macyarcushwan y lapanta leinanpaj yarpärachishwan.

4. Jinamanpis, tratadupa guepancho “Tapucuy” nishganta ricächishwan, y yapaychona Bibliawan parlarcunanchipaj nishwan.

Watucaj cutimurna tratadupa guepancho caycaj tapucuypita parlarishun, jina yapay parlanapäpis juc tapucuy masta rurashun. Capazchi tapucuytaga acrashwan jw.org paginapita o tratadupa guepancho caycaj publicaciunpita. Ora oraga alichi canman Diosninchipa ali wilacuynincuna folletuta ricächiptinchi o Bibliapita yachachinapaj maygan publicaciunlatapis.