Imanotaj predicashwan imapita yachachicunapaj nejwan

Imapita yachachicunapaj cajga shumaj rurashga caycan yachachicunapaj y achca hermanucuna nipäcun caycunawan runacunata yachachiptinchega paycuna wiyashganta. Chayno captinpis, waquin sitiucunachoga manami chaynochu. Chaymi Diospita yachachicur aywar, öraga publicadorcuna runacuna wiyayta munashgan temacunapitami parlapanman. Ichanga campaña captenga, predicaciunta pushacoj hermanucuna nishgannola rurashwanmi. Lapanchi munanchi Jesús mandamashganchita cäsucuyta, payga nergan Diospita ali wilacuycunata yachachicunapaj (Mt 24:14).

Pulan semana reuniuncho pilapis juc demostraciunta rurananpaj captenga, imapita yachachicunapaj cajpita parlacurinman; chaynopa Imano yachacunapaj nishganno cananpaj. Pero imapita yachachicunapaj mana nimaptinchega, yachachicojga tapucuyta, textuta y jaguipashganchi tapucuytapis trucachinmanmi, runacuna munashgancunapita parlananpaj. Chauraga cayga trucachin Imano yachacunapaj 2020 wata junio quilla wilacushganta.