“Imapita yachachicunapaj” cajtaga imanotaj utilizashwan

2018 wata, enero quillapita Imano yachacunapaj reuniunninchipaj Ali Cawanapaj y Yachachicunapaj publicaciunpa garancho yurimushga “Imapita yachachicunapaj”. ¿Imanotaj cayta utilizashwan?

Nawpaman yargapäcamojcuna. Chaycho yurimoj tapucuyta, textuta y jaguipashganchi tapucuytapis utilizashwan. Pero imapita yachachicunapaj videucuna nishgantaga, ama umachicushwanchu chaynola yaparir yaparir parlapänapaj. Sinoga quiquinchicunami acracushwan imano parlacuyta galaycunapaj y yachachicur siguinapaj. Jina yachachicunapaj cajcunapita maygan publicaciuncunatapis macyarcushwan chaycho mana wilapaptinpis.

Predicananchipaj. Imapita yachachicunapaj cajcunaga yanapämanchi predicananchipaj. Wasiyoj cajcuna ali chasquicuptin y masta yachacuyta munaptinga, yapay cutinapaj cajcunapita parlapärishwan. Öraga runacunawan imapita yachachicunapaj caycashganno parlapashwan, o juc mushoj temapitapis parlacurishwan. Alichi canman cayno tapucunanchipaj: ¿jucaj quillapa yargamushgan texto, tapucuy y temanpis utilizaptïga alichuraj canman? Chaylaraj wilacuycuna nishganpita parlapaptïga, ¿yanapämangachuraj runacunawan parlarcunapaj? Imapitaj yachachicunapaj cajtaga quiquinchipitami canga imano utilizänapaj, chayno captinpis calpachacushun Diospa “ali wilacuyninta runacuna chasquicunanpaj” (1Co 9:22, 23).