COVID gueshyawan 6 millones runacuna wanun. ¿Bibliaga imataj nin?

Organización Mundial de la Salud (OMS) nishgan wilacushganno, 2022 wata, mayo quilla 23 junajpäga COVID-19 gueshyawan 6,27 millones runacunanami wanurgan. Ichanga juc periódico 2022 wata, mayo quilla 5 junajpaj nergan, Organización Mundial de la Salud nishgan 2020 y 2021 watacuna wichanpaj wilacamurgan: “COVID-19 pandemiawan wanojcunaga 14,9 millonesnopis canmanmi”. ¿Imalapis Bibliaga wilacuncu chaycuna laquicuypaj pasacushganpita?

Bibliaga nirganmi pandemiawan runacuna wanunanpaj

• Biblia parlashgan “ultimu tiempucho” wichan ima pasacunanpaj cajpita, Jesusga wilacurgan “pesti qeshyapis maytsaychömi kanqa” (2 Timoteo 3:1; Lucas 21:11).

Jesús wilacushganga cananmi cumplicuycan. Maslata musyanayquipaj cay yachachicuyta leiriy “¿Cuál es la señal de los ‘últimos días’ o los ‘tiempos finales’?”.

Bibliaga shogamanchimi

• Tayta Diosmi “kuyapämantsi [...] ima nakaycho kaptintsipis shakyätsimantsi” (2 Corintios 1:3, 4).

Chaychicaj castancunata wanupacushga cajcuna Bibliapita yachacushganmi shacyächishga. Cay yachachicuycunata leiriy “Cómo sobrellevar el duelo: Sugerencias prácticas” y “La mejor ayuda para quienes están de duelo”.

Bibliaga nin chaycuna mana cananpaj cajta

• “Kay patsacho mandaq kanaykipaq aywaykalämuy. Jana patsacho cäsukushushqaykino kay patsachöpis cäsukuykuläshunki” (Mateo 6:10).

Ichiclacho “Tayta Dios mandaykashqan” wichan cay wilacuymi cumplicunga: “Chaycho tiyäga manami pipis ‘Gueshyaycä’ nengapächu” (Marcos 1:14, 15; Isaías 33:24). Diospa Gobiernunpita y imata rurananpaj cajpita maslata musyanayquipaj, cay videuta ricayculay ¿Imataj Diospa Gobiernun?

Bibliapita maslata yachacunayquipaj invitapäcö. Chaynopa familiayquiwan yachacunquipaj ali consejucunata y Tayta Diospa shacyächicoj promesancunatapis.