¿Imanirtaj politicaga runacunata raquicächin? ¿Ima nintaj Biblia?

Lapan pachachomi, achca naciuncuna politicaraycur raquicashga caycan. Centro de investigación Pew Research Center nishgan 2022 watacho, “19 naciuncunapita tapucärishgan rucu runacunata, pulanpitapis masmi nipäcun naciunnincho tucuy politicucuna acuerducho mana capäcuptin pleitucuna o peliacuna cashganta”.

Tiyashgayquichoga, ¿politicaraycur cada cadalachu runacuna raquicashga caycan? ¿Imanirtaj chayga pasan? ¿Imaylapis alchacangachuraj? Biblia nishganta ricäriy.

Caycunami runacunata raquicächin:

Bibliaga unayna wilacurgan cawashganchi tiempuga ‘ultimu tiempo’ cashganta, achca runacuna imano comportacärishganga juc yarpayla capäcunanpaj mana puedinanpaj cajta.

•  “Shumaq tantiyakuy ultimu tiempucho runakuna aläpa nakananpaq kashqanta. Tsaymi runakuna kanqa kikilanpaq imatapis munaq, [...] Tsaynöpis kanqa tumpakuq, mana tantiyakuypa imatapis lutala ruraq” (2 Timoteo 3:1-3, Margos Yarowilca Lauricocha, MYL).

Mandaj autoridäcuna alila arupäcunanpaj achca runacuna calpachacäriptinpis manami puedipäcunchu ali arunanpaj. Waquin runacunaga cayno wacno contranacur yarpapäcun y problemacunata alchananpaj juc yarpayla arupäcunanpaj mana puedipäcunchu. Chaycuna pasananpaj Bibliaga unayna wilacurgan.

•  “Runaga runa-masinta mana allita rurananpaj munayniyojmi caycan” (Eclesiastés 8:9, Tayta Diosninchi Isquirbichishan, TDI).

Chayno captinpis, Bibliacho ali wilacuymi caycan: juc gobiernumi caycan y mandacojninga runacunapa lapan problemancunata alchachimunga.

Chay ali mandacojga waquincunapaj yarpachacunmi

Biblia nin chayno mandacojga manami canchu, paymi ichanga yachaj y puedej caycan lapanta alchachinanpaj. Payga Jesucristumi. Payga poderyoj, autoridayoj y munaycanmi jaucala y juc yarpayla lapan runacuna cawacärinanpaj yanapänanpaj.

•  “Ali mandaptin lapanpis jawka kawaykulätsun” (Salmo 72:7, MYL).

•  “ Lapan nacioncho taq runakunapis payta sirvipäkutsun” (Salmo 72:11, MYL).

Jesusga pipitapis ali mandacojmi, runacunata shongupita yanapayta munan, masraj nacaycunapa pasashga cajcunata.

•  “Reyqa waktsakuna manakuptin yanapanqami. Pïninpis mana kaqkunapa favorninmi sharkunqa. Humildikunataqa kuyapanqami. Waktsakunataqa wanuypitapis tsapanqami. Nakatsiq runakunapa makinpitapis jorqunqami” (Salmo 72:12-14, MYL).

Maslata yachacuy Jesús mandaycashgan Diospa gobiernunpita, imano chay gobierno yanapäshunayquipaj y gampis imano yanapäcunayquipaj yachacuy.

•  Cay videuta ricay ¿Imataj Diospa Gobiernun?

•  Cay yachachicuyta leiriy “El Reino de Dios: un gobierno sin corrupción”.