¿Wanushgacuna cawarimungachuraj?

QUIQUIN BIBLIA NINGAN

“Wanushgacunaga sharcapäcamungami.” (Hechos 24:15, Traducción del Nuevo Mundo.)

CAYTA MUSYAYGA IMANOTAJ YANAPÄMANCHI

Cuyashga familianchi wanuriptinga manami alapa laquicushunnachu (2 Corintios 1:3, 4).

Wanuytapis manami alapaga manchashunnachu (Hebreos 2:15).

Waylushga familianchicunawan yapay tincunapämi más seguro caycashun (Juan 5:28, 29).

¿IMALAPIS CANCU BIBLIA NINGANMAN CREINAPAJ?

Awmi, quimsalata ricärishun:

• Diosmi cawayta gocun. Cawayta gocoj Dios cangantami Biblia wilacun (Salmo 36:9; Hechos 17:24, 25). Poderninwan camashgancunata cawayta goshga carga, manachuraj chaynola wanushgacunatapis yapay cawayta gonman.

• Unaynami Diosga wanushgacunata sharcarachimushga. Cay Pachachö pusaj runacunata unay tiempucho Dios sharcarachimungantami Biblia wilacun. Waquincunaga chaylarämi wanushga cargan, pero Lazarutaga chuscu junaj pasariptinrämi cawarachimurgan (Juan 11:39-44).

• Diosga alapami munaycun wanushgacunata cawarachimuyta. Jehovaga alapami ­chiquin wanuyta (1 Corintios 15:26). Shongupitami munaycan wanuyta ushacächinanpaj cajta, y chaytaga ruranga lapan wanushgacunata cawarachimurmi; jina paycuna cay Pachacho cawapäcunantami munan (Job 14:14, 15).