¿Imanotaj Diosta adurashwan pay chasquimänanchipaj?

Yachacushcanchinami guepa cajcho, Diosga manami chasquinchu lapan religiuncunata; ichanga pay munashganno adurajcunataga chasquinmi. ¿‘Rasunpa yäracur’ maygan religiuncho cananchitataj Diosga munan? (Santiago 1:27). Biblia wilacushganpita yachacushun.

1. ¿Maychotaj nimäshun Diosta imano aduranapaj?

Biblialami wilamäshun Diosta imano aduranapaj. Taytantami Jesús cayno nergan: “Wilacuyniquega rasun cajmi caycan” (Juan 17:17). Waquin religiuncunaga ichiclapis cäsupanchu Bibliacho caycaj rasunpa cajcunata; chaypa trucanga runacuna yarpashgancunalata y costumbrincunalapita yachachicärin. Jehovaga manami chasquinchu ‘mandamientuncunata gongaycärejcunata’ (leiriy Mateo 15:3). Palabrancho lapan nimashganchicunata cäsucurga amatar Payta cushichinchi.

2. ¿Imanotaj Jehovata adurashwan?

Camacojninchi captinmi Jehovalata imaypis adurananchi (Apocalipsis 4:11). Paylata cuyashpanchimi sirvinanchi, santucunataga o ima idulucunataga manami charashwanchu (leiriy Isaías 42:8).

Aduraciunninchega “santu” y “Dios munashganno” canman (Romanos 12:1). Chauraga lapan caway vidanchichoga Dios mandamashganchino ali cajcunalata rurashwan. Pipis Jehovata cuyarga, casaracunanpaj mandätucunata cäsucunman. Chaymi Jehovata cuyajcunaga drogatapis cigarrutapis munapanchu, ni upialacho cacärinchu.a

3. ¿Imanirtaj Jehovataga adurashwan waquin cristianucunawanpis shuntacaycur?

Semanacho ishcay cutimi Dios “munashganno cawaj runacunawan juntacaycur” Jehovata alabanchi (Salmo 111:1, 2). Canciuncunata cushi cushila cantarmi shongunta cushichinchi (leiriy Salmo 104:33). Cuyapämashpanchimi Jehovaga congregaciunnincho shuntacänanchita munan; ali cawayta tarinanchita munan. Reuniunninchega ali shacyächinacunapaj caycan.

SHUMAJ YACHACURCUNAPAJ

4. Diostaga manami adurashwanchu santucunata charar-raj

VIDEO: ¿Dios munanchuraj santucunawanraj adurananchita? (3:26)

• Unay Diospa marcancho waquin cajcunaga idulucunawanraj Jehovata adurapäcurgan, ¿pero imataj pasargan chayraycur?

Waquincunaga nipäcun ‘santulä captinrämi Diosman guelicö’. Pero chayta rurarga ¿manachuraj masraj Diospita raquicarcaycan? Leipäcuy Éxodo 20:4-6 y Salmo 106:35, 36 y caycunapita parlapacäriy:

• ‘Diosta aduranäpaj’ nir, ¿imacunatataj runacuna churarächicun?

• ¿Ima nintaj Jehová pipis santucunata adurananpaj charaptin?

• ¿Y gamga ima ninquitaj santucunawanraj runacuna Diosta adurapäcuptin?

5. Jehovalata adurashpanchega, luta creenciacunaga pantachimäshunchu

VIDEO: Rasunpa cajcunami libracun (5:16)

Leipäcuy Salmo 91:14 y caypita parlapacäriy:

• Jehovalata amatar cuyar, munashganno paylata adurarga, ¿imatataj noganchiraycur ruranga?

6. Reuniuncho shuntacashga caycarmi Diosta aduranchi

Diosninchitaga alabanchi reuniuncho comentamurmi, chayta rurarga lapanchimi shacyächinacunchi. Leipäcuy Salmo 22:22 y caycunapita parlapacäriy:

• ¿Cushicurcunquichu reuniuncho comentapäcuptin?

• ¿Gampis manachuraj comentarcunquiman reuniuncho caycar?

7. Jehovaga cushicunmi yachacushganchicunata waquincunata parlapaptinchi

Imatapis camacächinquimanmi pitapis Bibliapita parlapänayquipaj. Leipäcuy Salmo 9:1 y 34:1 y caypita parlapacäriy:

• Bibliacho lapan yachacushgayquipita, ¿maygantataj mayna munaycanqui waquincunata parlapayta?

ICHIC YACHACUY

Camacoj Jehová Diosninchilata adurarga, reuniuncho alabarga y waquincunata paypita parlaparga, ¡mayraj Payga cushicurcun!

Yarpänapaj

• ¿Maychotaj nimäshun Diosninchilata imano aduranapaj?

• ¿Imanirtaj Jehová Diosninchilata adurashwan?

• ¿Imanirtaj Diosta adurashwan rasunpa cristianucunawan shuntacarcur?

MASLATA YACHACUNAYQUIPAJ

Caycho leiriy imanirtaj juc warmi idulucunata adurashganta jaguirishga. ¿Ima mana alicunataj pay rurargan?

“Biblia yanapargan cambiananpaj” (Wilacamoj, 1 julio quilla, 2011)

Reuniuncho imano comentanayquipaj caycho yachacunayquipaj caycan.

“Congregaciunninchicho Jehovata alabashun” (Wilacamoj, enero 2019)

Ricarcuy imataj juc mozuta yanapargan reuniuncunaman aywananpaj sasa captinpis.

Jehovaga yarpachacunmi nogapaj (3:07)

Achca runacunami cruznincunata charan, ¿pero chaywanrächu Diosta adurashwan?

“¿Imanirtaj Jehovapa testiguncunaga cruzta utilizanchichu?” (jw.org paginapita yachachicuy)