Imacunapita yachacunapaj

Diosta alabanapaj canciuncunata umachicurcuy

“Pasaypa calpaynaj caycaptë, JW Broadcasting^® cajcho yargamushgan canciuncuna shacyächiman” nin Lorraine, Estados Uniduspita.

Cristianucunaga imaypis “cörukunata cantar Tayta Diosta” alabashcanchi (Col. 3:16). Chay canciuncunata umachicurcuptiquega yanapäshunqui canciuneruyqui o celularniqui amänucho mana captin. Chaypäga caycunata ruranayqui:

Canciuncunapa letrancunata leircur shumaj tantianayqui. Imatapis shumaj tantiarcuptinchega manami gonganchinachu. Lapan canciuncunapa lentrancunata tarinqui jw.org paginacho, chaycho caycan JW Broadcasting nishgancho yargamushgancuna y wamracunapaj canciuncunapis. Tarinayquipäga “Imayca charashganchicuna” cajman ayway y nircur “Música” cajcho.
Juc papelcho letracunata guelgay. Chayga yanapäshunqui umachicurcunayquipaj (Deut. 17:18).
Cutin cutin cantay. Letracunata leiriy y juc cutilapis o maspis cantay.
Umachicushgayquita cantay. Letracunata mana ricaylapa cantay, y nircur ricay imano yargushganta.