Ujachik ri alaj wuj pa noviembre: Ri kuya ubʼixik ri Ajawbʼal número 38
1. ¿Jas kkichomaj kʼi winaq chirij ri kamikal, xuqujeʼ jas kbʼan pa noviembre che kitoʼik?
1 Ri kamikal are qakʼulel qonojel, pa neʼ junam ta ri qakojonik (1 Cor. 15:26). E kʼi winaq kkichomaj jachiʼ e ko wi ri e winaq che e kaminaq che sibʼalaj kekaj xuqujeʼ we kopan na jun qʼij che kkil chi na kiwach. Rech keqatoʼ, pa kebʼ oxibʼ qʼij kqamajij ujachik ri alaj wuj Ri kuya ubʼixik ri Ajawbʼal número 38, ubʼiʼ «¿La kekʼastaj na ri kaminaqibʼ?». Kmaj uyaʼik pa 1 rech noviembre xuqujeʼ ronojel ri ikʼ kjachik. Chiʼ kkʼis ri ikʼ xuqujeʼ kkoj na chiʼ ktzijox ri utzalaj taq tzij.
2. ¿Jas ubʼanik ri alaj wuj Ri kuya ubʼixik ri Ajawbʼal número 38?
2 Ri ubʼanik. Ri alaj wuj Ri kuya ubʼixik ri Ajawbʼal número 38 bʼanom che kbʼusik o kqʼoch pa takʼalik. Pa ri nabʼe uxaq kʼo ri ubʼiʼ che nim ubʼanik xuqujeʼ jun pregunta che kubʼij: «¿Jas kachomaj kekʼastajik, kekʼastaj taj o weneʼ?». Chiʼ kjaq ri wuj, ri winaq kril ri kubʼij ri Utzij ri Dios xuqujeʼ kril ri utzilal kuya we kretaʼmaj. Xuqujeʼ kril ri rumal che kqakoj ri kubʼij ri Utzij ri Dios. Chirij ri kʼisbʼal uxaq, kʼo chi jun pregunta che nim ubʼanik che kubʼan che ri winaq kraj kretaʼmaj más.
3. ¿Jas kbʼan che ujachik ri alaj wuj Ri kuya ubʼixik ri Ajawbʼal número 38?
3 Ri kbʼan che ujachik. Kjunamataj rukʼ ri kbʼan che ujachik ri wuj rech ri unaʼtabʼalil ri ukamikal ri Jesús xuqujeʼ ri wuj rech ri nim riqbʼal ibʼ rech oxibʼ qʼij. Ri ajkʼamal taq bʼe kkibʼij ri kbʼan che ujachik, kkikoj ri kubʼij ri wuj re 1 rech abril 2013 che xtaq lo chike ri ajkʼamal taq bʼe. Ri congregaciones che kʼo ta más kiterritorio kekunik kekitoʼ ri congregaciones che e kʼo naqaj chike che kʼo kʼi kiterritorio. Chiʼ kkʼam bʼi ri alaj wuj, rajawaxik che ri e qachalal xaq xiw kkikʼam bʼi ri kajwataj chike pa jun semana. We kʼo na ri wuj chiʼ kkʼis ri qʼij re ujachik cho taq ja, utz kjach pa taq kʼayibʼal, pa taq bʼe xuqujeʼ pa nikʼaj chi lugar. Xuqujeʼ we kkʼis ri alaj wuj chiʼ majaʼ kkʼis ri ikʼ, utz kkoj ri wuj rech noviembre. Pa ri nabʼe sábado rech ri ikʼ are kqakoj ri alaj wuj are ta kqatzujuj jun etaʼmanik chirij ri Loqʼalaj Pixabʼ. Xuqujeʼ pa ri sábados o domingos utz kqakoj ri revistas we kuya kqakojo. Chojchoman chirij ri kqabʼano rech kojtobʼan che ujachik wajun alaj wuj riʼ.