Chqabʼanaʼ sibʼalaj utz che ri qachak: chqatzʼibʼaj chkij ri winaq che utz kkita ri utzij ri Dios

«Chawilaʼ awibʼ, xuqujeʼ chawilij ri atijonik.» (1 Tim. 4:16.) Wajun pixabʼ riʼ che ri apóstol Pablo xuya che ri Timoteo kukʼutu che rajawaxik kqakoj qachuqʼabʼ rech kqabʼan sibʼalaj utz che ri qachak, pa neʼ ojer chik qamajim o kʼa majaʼ naj. Rumal laʼ, ri wuj Ri Qachak che ri Dios kukʼam lo jun kʼakʼ kʼutunem ubʼiʼ «Chqabʼanaʼ sibʼalaj utz che ri qachak». Ri kʼutunem kukʼam lo jun pixabʼ che kʼax ta ubʼanik are kʼu sibʼalaj rajawaxik, xuqujeʼ kukʼam lo utz taq chomanik. Kyaʼ ubʼixik chqe che kqakoj wajun pixabʼ pa ri qachak pa jun ikʼ. Are chiʼ kkʼis jun ikʼ kojkunik kqabʼij pa ri Riqbʼal ibʼ rech uchak ri Ajawaxel ri xojutoʼ wi xuqujeʼ kqabʼij ri utz xqariqo chiʼ xqakoj wajun kʼutunik riʼ. Pa wajun kʼutunik riʼ kbʼix chqe che kqakoj qachuqʼabʼ che utzʼibʼaxik chkij ri winaq che utz kkita ri utzij ri Dios.

¿Jasche rajawaxik? Ri qachak xaq xiw ta utzijoxik ri utzij ri Dios: rajawaxik keqasolij chi jumul ri winaq che utz kkita ri utzij ri Dios xuqujeʼ kqakʼut ri qastzij chkiwach, je taneʼ kqajaʼj ri ijaʼ che qatikom kanoq (Mat. 28:19, 20; 1 Cor. 3:6-9). Rumal laʼ, rajawaxik keqariq chi jumul ri winaq, kojtzijon chrij ri jastaq che utz kkito xuqujeʼ kojtzijon chrij ri qabʼim chi kan chke. Rumal laʼ rajawaxik che kqatzʼibʼaj ronojel ri kqata xuqujeʼ ri kqil chrij ri winaq che utz kuta ri utzij ri Dios.