¿Jas kuchomaj riʼ ri Jehová?

Are chiʼ majaʼ kqachaʼ ubʼanik jun jastaq pa ri qakʼaslemal, pa neʼ nitzʼ o nim, ¿la kqataʼ chbʼil qibʼ jas kuchomaj riʼ ri Jehová? Pa neʼ kʼo ta jumul kqetaʼmaj ronojel ri e uchomanik ri Jehová, pa ri Biblia kubʼij ri kajwataj chqe rech kqatijoj qibʼ che ubʼanik «ronojel uwach utzalaj chak» (2Ti 3:16, 17; Ro 11:33, 34). Ri Jesús qas xretaʼmaj ubʼanik ri urayibʼal ri Jehová xuqujeʼ are xukoj nabʼe pa ri ukʼaslemal (Jn 4:34). Junam rukʼ ri Jesús, chqakojoʼ ronojel qachuqʼabʼ rech kqachaʼ ubʼanik ri jastaq che kqaj chuwach ri Jehová (Jn 8:28, 29; Ef 5:15-17).

ARE CHIʼ AWILOM CHI RI VIDEO KQAYA TA KAN RETAʼMAXIK JAS RI URAYIBʼAL RI JEHOVÁ (LE 19:18), CHATZALIJ UWACH RI E PREGUNTAS RIʼ:

• ¿Jasche rajawaxik kqakoj pa ri qakʼaslemal ri e pixabʼ re ri Biblia?

• ¿Jas e pixabʼ re ri Biblia rajawaxik ksach ta chqe are chiʼ kqachaʼ ri música?

• ¿Jas e pixabʼ re ri Biblia rajawaxik ksach ta chqe are chiʼ kqachaʼ ri qatzʼyaq xuqujeʼ ri kqabʼan che usukʼumaxik qibʼ?

• ¿Jas chi jun ubʼanik kqabʼan che ukojik ri e pixabʼ re ri Biblia pa ri qakʼaslemal?

• ¿Jas kojkunik kqabʼano rech kqachʼobʼ más ri urayibʼal ri Jehová?