Ri científicos xkinabʼejsaj ri Reloj re ri Juicio Final | ¿Jas kubʼij ri Biblia chrij wariʼ?

Pa ri 24 re enero 2023, ri cientifícos xkinabʼejsaj ri Reloj re ri Juicio Finala rech xa jubʼiqʼ chi kraj kopan pa medianoche, kraj kubʼij ri kʼisbʼal uwach Ulew.

«Pa ri martes kanoq xnabʼejsax ri Reloj re ri Juicio Final, che kukʼutunisaj ri kʼaxkʼolil che kriqitaj cho ri uwach Ulew. Xa jubʼiqʼ chi kraj kopan pa medianoche, rumal ri chʼoj che tajin kbʼan pa Ucrania, ri bombas nucleares y ri clima» (Servicio internacional de noticias de la agencia AFP).
«Pa ri martes kanoq ri cientifícos xkibʼij che xa 90 segundos chi kraj kopan ri Reloj re ri Juicio Final pa medianoche, xa jubʼiqʼ chi kraj kumajij ri apocalipsis» (ABC News).
«Jun jupuq cientifícos kkibʼij che xa más tajin knimataj ri kʼaxkʼolil» (The Guardian).

¿La qastzij wi che ksachisax kiwach ri winaq y ri uwach Ulew? ¿La rajawaxik kqaxibʼij qibʼ chuwach wariʼ? ¿Jas kubʼij ri Biblia?

Ri kkʼulmataj na

Ri Biblia kubʼij che «ri uwach ulew mawi jubʼiqʼ kkʼextajik» y che ri e winaq «kejeqiʼ kʼu na chuwach chbʼe qʼij saq» (Eclesiastés 1:4; Salmo 37:29). Ri e winaq kekun taj kkisachisaj uwach ri uwach Ulew.

Are kʼu ri Biblia kchʼaw chrij jun kʼisbʼal uwach Ulew. Rumal che kubʼij wariʼ: «Ri uwach ulew kokʼowik» (1 Juan 2:17).

We kawaj kawetaʼmaj jas kraj kubʼij ri Biblia are chiʼ kchʼaw chrij ri kʼisbʼal uwach Ulew, chawilaʼ ri kʼutunem «¿La naj ta chi kraj kpe ri kʼisbʼal uwach Ulew? ¿Jas riʼ ri apocalipsis?».
Rech kawetaʼmaj ri kubʼij ri Biblia chrij ri kkʼulmataj na, chasikʼij ri kʼutunem «¿Cuándo será el fin del mundo?».

Kaxibʼij ta awibʼ

Ri Biblia kojutoʼ rech kqaxibʼij ta qibʼ chuwach ri kʼaxkʼolil che tajin kkʼulmatajik. ¿Jas kubʼan che qatoʼik?

Ri Biblia kuya utz taq pixabʼ chqe (2 Timoteo 3:16, 17). Jun kʼutbʼal, rech ksach ta akʼuʼx chuwach ri tajin kkʼulmatajik, chasikʼij ri kʼutunem «¿Jas kinbʼano rech kinchoman ta más chrij ri kkʼulmatajik?».
Ri Biblia kubʼij che kqariq na jun utzalaj kʼaslemal (Romanos 15:4). Kubʼij chqe ri kqariq na kimik y pa ri petinaq, wariʼ kojutoʼo rech ksach ta qakʼuʼx chuwach ri tajin kkʼulmatajik.

Utz we kamajij retaʼmaxik chrij ri Biblia kukʼ ri testigos rech Jehová rech kawetaʼmaj más chrij.

a «Ri Reloj re ri Juicio Final, kukʼutunisaj che xa jubʼiqʼ chi kraj ksach uwach ri uwach Ulew rumal ri jastaq che kibʼanom ri winaq (ri tecnologías peligrosas). Are jun kʼambʼal noʼj che kunaʼtajisaj chqe kimik che we kqakoj ta qachuqʼabʼ che usukʼumaxik ri kʼax ksach na uwach ri uwach Ulew» (Bulletin of the Atomic Scientists [Boletín de Científicos Atómicos]).