¿E jachin tijan kkibʼan ri kraj ri Jehová kimik?

1. ¿Jas tobʼanik kuya chaqe chiʼ kqetaʼmaj chirij ri wuj Ri kraj ri Jehová?

¹ Pa ri Etamabʼal chirij ri Loqʼalaj Pixabʼ rech Congregación kkoj ri wuj ¿E jachin tijan kkibʼan ri kraj ri Jehová kimik? Wajun kʼakʼ wuj riʼ, che xyaʼ pa ri nim riqbʼal ibʼ rech oxibʼ qʼij ubʼiʼ «Chqachajij ri qanimaʼ», bʼanom rech keqatoʼ ri winaq che tajin kketaʼmaj chirij ri Loqʼalaj Pixabʼ rech kketaʼmaj chirij ri utinamit ri Jehová. Chiʼ kqetaʼmaj chirij ri kʼo chupam kubʼan chaqe che nim kqil wi che oj kʼo pa ri utinamit ri Dios xuqujeʼ kojutoʼ rech kojkunik kqakoj wajun wuj riʼ chiʼ kqatzijoj ri utzij ri Dios (Sal. 48:13).

2. ¿Jas kbʼan che rilik ri wuj pa ri congregación?

² Ri kbʼan che rilik pa ri congregación. Ri kkikʼam bʼe che rilik rajawaxik qas utz ukojik ri tiempo kkibʼano rech kutzaqaʼ che ri kʼutunem. Kmajix rilik ri kʼutunem rukʼ usikʼixik uwach ri pregunta che kojom che ri ubʼiʼ je waʼ kbʼan kukʼ ri 28 kʼutunem. Chiʼ sikʼim chi uwach ri nabʼe párrafo, ri kkʼamow bʼe kubʼan jun pregunta che areʼ chomanaq. Tekʼuriʼ, ronojel ri párrafo o jupuq párrafos che kumaj rukʼ tzij che tzʼibʼam rukʼ letras che más qʼeq ksikʼix uwach xuqujeʼ kbʼan tzijonem chirij pa kijujunal. Ri kukʼam bʼe kutaʼ chike ri qachalal jas kubʼan ri párrafo o jupuq párrafos che ubʼixik chirij ri pregunta rech ubʼiʼ ri kʼutunem. Are ri tiempo kbʼan re, we ksikʼix uwach ronojel ri textos che kojkitoʼ che retaʼmaxik ri kʼutunem. Xuqujeʼ, chupam ri wuj kʼo kʼi wachbʼal che utz kbʼan tzijonem chirij. Chiʼ majaʼ kil chi jun kʼutunem, ri kkʼamow bʼe kubʼan ri preguntas che kʼo chuxeʼ ri uxaq rech knaʼtax ri xetaʼmaxik. We kʼo jun recuadro ubʼiʼ «Chawetaʼmaj chi nikʼaj», ri ksikʼin uwach ri párrafo xuqujeʼ kusikʼij uwach tekʼuriʼ ri kkʼamow bʼe kutaʼ chike ri qachalal rech kkibʼij jas tobʼanik kuya wajun recuadro riʼ che ri ajtijoxel. Pa kʼisbʼal re we kʼo na tiempo, kkunik kusikʼij chi jumul ri pregunta rech ubʼiʼ ri kʼutunem. Utz che knataj chaqe che rajawaxik taj che junam kbʼan che rilik rukʼ ri ajtijoxel.

3. ¿Jas kqabʼano rech qas kojutoʼ wajun wuj riʼ?

³ Rech qas kojutoʼ wajun riqbʼal ibʼ, rajawaxik kqatijoj qibʼ xuqujeʼ kqakoj qachuqʼabʼ rech kqabʼij ri xqetaʼmaj chiʼ ktaʼ chaqe pa riqbʼal ibʼ. Chiʼ tajin kil ri kʼutunem, utz che kojchoman chirij ri keʼutoʼ wi ri tajin kketaʼmaj chirij ri Utzij ri Dios. Rilik wajun kʼakʼ wuj riʼ kojutoʼ rech kojkunik keqatoʼ nikʼaj chik winaq rech kkibʼan ri urayibʼal ri Dios xuqujeʼ kkiriq na jun kʼaslemal che kʼot ukʼisik (1 Juan 2:17).