Xaq xiw ta keqachilaj
1. ¿Jas kqabʼano rech kqabʼan qe ri xubʼan ri apóstol Pablo chiʼ keqachilaj ri e qachalal chiʼ kqatzijoj ri utzij ri Dios?
1 Aretaq chiʼ xerachilaj nikʼaj chi tijoxelabʼ, ri apóstol Pablo qas xok il rech kkiya kichuqʼabʼ chbʼil taq kibʼ (Rom. 1:12). E kʼu ri oj, ¿la utz ukojik ri tiempo kqabʼano chiʼ keqachilaj ri e qachalal rech kqatoʼ qibʼ xuqujeʼ rech kqaya qachuqʼabʼ chbʼil qibʼ? Xaq xiw ta keqachilaj, utz che kojtzijon kukʼ chrij jastaq che ojutoʼm pa ri qachak che ri Dios.
2. ¿Jas kojkunik kqabʼano rech kqatoʼ ri e qachiʼl, xuqujeʼ jasche rajawaxik kqabʼano?
2 Cheqatoʼ rech kkixibʼij ta kibʼ. Jujun qachalal kkixibʼij kibʼ, wariʼ qʼalaj che ri kipalaj o che ri kichʼabʼal. Chiʼ kbʼix utz taq tzij chke keʼutoʼ rech kel ri xibʼin ibʼ chke. ¿Jas nikʼaj chi jastaq kkunik keʼutoʼ? Jun ajsolinel kubʼij chke ri e rachiʼl che areʼ xuqujeʼ kuxibʼij ribʼ rumal laʼ rajawaxik amaqʼel kubʼan uchʼawem rech ri Jehová kuya jororibʼal che. «Rech qas ta kinkʼutu che kinxibʼij wibʼ —xchaʼ jun qachalal—, utz kintzeʼnik. Are kʼu kʼo jujun mul che sibʼalaj kinxibʼij wibʼ we man kinbʼan nuchʼawem, weneʼ kinkun taj kintzeʼnik.» ¿La kʼo jun jastaq ojutoʼom rech qas ta kqaxibʼij chi qibʼ pa ri qachak? We kʼolik, chqatzijoj chike ri qachiʼl.
3. ¿Jas utz taq nojibʼal kojkunik kqatzijoj che ri qachiʼl chiʼ kqatzijoj ri utzalaj taq tzij?
3 Chqatzijoj utz taq nojibʼal. ¿La kʼo utz taq tzij o jun pregunta che ojutoʼm che utzijoxik ri utzalaj taq tzij, weneʼ chrij jun bʼantajik che qas etaʼmatalik? ¿La kʼo jun tzij che qakojom rukʼ ri kʼutbʼal che yaʼom chqe ubʼanom che sibʼalaj utz elinaq ri qachak? Utz taj we kqakʼolo (Prov. 27:17). Weneʼ kojbʼe che usolixik jun winaq, kojkunik kqabʼij che ri qachiʼl ri kqaj kubʼan ri winaq xuqujeʼ ri kqabʼan che utoʼik. O chiʼ qayaʼom chi tijonik che jun winaq chrij ri Utzij ri Dios kojkunik kqabʼij che ri qachiʼl ri rumal che xqakoj jun chomanik o jun versículo o ri rumal che rajawaxik xqakoj jun chike ri kʼutbʼal rukʼ ri tijoxel riʼ.
4. ¿Jasche rajawaxik kojok il che kitoʼik ri e qachiʼl chiʼ kqatzijoj ri utzalaj taq tzij?
4 Ri e nabʼe taq cristianos xaq xiw ta xeʼok il che kitoʼik ri winaq rukʼ utzijoxik ri utzij ri Dios; xuqujeʼ xeʼok il che uyaʼik kichuqʼabʼ chbʼil kibʼ (Hech. 11:23; 15:32). Rumal laʼ, ri apóstol Pablo xutoʼ ri Timoteo xuqujeʼ xuya uchuqʼabʼ rech kukʼut chkiwach nikʼaj chik ri xretaʼmaj ri areʼ (2 Tim. 2:2). We oj xuqujeʼ kqakʼut chkiwach ri qachalal ri qetaʼmam chik, qas kkibʼan riʼ ri kichak rukʼ kikotemal xuqujeʼ utz kelik. We kqabʼan waʼ, kqakikotemaj ri Qatat kʼo pa ri kaj (Heb. 13:15, 16).