Ri kkaj kketaʼmaj ri qachalal

◼ ¿Jas rajawaxik kketaʼmaj ri akʼalabʼ rech kubʼan nim ri kikojonik?

Ri e nan tat che e kojonelabʼ sibʼalaj kkikoj kichuqʼabʼ rech kekikʼiysaj ri kalkʼwal rukʼ ri upixabʼ ri Jehová (Efes. 6:4). Jun kʼutbʼal, ronojel aqʼabʼil kkil ri texto rech ri qʼij kukʼ, rumal che kilom che kuya utzilal. Pa ri qʼijilanik pa ri familia xuqujeʼ pa nikʼaj chi qʼij, jujun familias kkilo xuqujeʼ ketzijon chrij jun video, ketzijon chrij kʼutunem che qas kajwataj chke rech ri e kʼutunem Los jóvenes preguntan, kkesaj kiwach bʼantajik che kʼo pa ri Utzij ri Dios o kkimulij kibʼ rech kkitijoj kibʼ. Tekʼuriʼ, rech kubʼan ko ri kikojonik ri akʼalabʼ, xuqujeʼ rajawaxik kketaʼmaj ri jastaq che kʼax uchʼobʼik che kʼo chupam ri Utzij ri Dios (Heb. 6:1).

Chojchoman jubʼiqʼ chrij ri kqakʼut chkiwach ri winaq pa ri territorio. Chiʼ nabʼe mul o ukamul kojtzijon kukʼ, kʼi mul kqamaj ukʼutik ri utzij ri Dios chkiwach ri winaq rukʼ ri wuj ubʼiʼ ¿Su qas kukʼut ri Loqʼalaj Pixabʼ? Chiʼ kqakʼis wajun wuj riʼ, kqakoj chi ri jun chik ubʼiʼ «Chichajij iwibʼ pa ri loqʼoqʼebʼal ukʼuʼx ri Dios». ¿Jasche kqabʼan wariʼ? Ri wuj Su qas kukʼut kubʼan chke ri winaq che kketaʼmaj ri nabʼe taq etaʼmanik rech ri Utzij ri Dios, are kʼu ri wuj «Loqʼoqʼebʼal ukʼuʼx ri Dios» keʼutoʼ ri winaq rech kkibʼan ri upixabʼ ri Dios pa kikʼaslemal. Retaʼmaxik ri kʼo chupam ri kebʼ wuj riʼ kubʼan chke ri winaq che ko kekʼojiʼ pa ri utijonik ri Cristo xuqujeʼ kubʼan ko ri kikojonik (Col. 2:6, 7). ¡Sibʼalaj utz riʼ we kiwil we jastaq riʼ kukʼ ri e iwalkʼwal! E areʼ xuqujeʼ rajawaxik kketaʼmaj chrij ri tojbʼal mak, ri Ajawbʼal xuqujeʼ ri kibʼanom ri kaminaqibʼ. Ri akʼalabʼ rajawaxik kketaʼmaj jasche uyaʼom ri Dios che kʼo kʼaxkʼolil xuqujeʼ ri rumal che qetaʼm che oj kʼo pa ri kʼisbʼal taq qʼij. Rajawaxik che qas kkikojo che ri testigos rech Jehová oj kʼo pa ri qastzij, kkichʼobʼ ri upixabʼ ri Dios xuqujeʼ kkikʼutu che qas «kʼo chik kinoʼj» (Heb. 5:14). Qastzij wi, ri nan tat rajawaxik kechoman chrij ri kijunabʼ xuqujeʼ ri kekun ri kalkʼwal che uchʼobʼik. Kʼo kʼi akʼalabʼ kekunik kkichʼobʼ ri kʼutunem re ri Utzij ri Dios che kʼax uchʼobʼik pa neʼ kʼa e nitzʼ na (Luc. 2:42, 46, 47).