«¡Kʼo ta pa rachoch!»

Qastzij wi che kʼo jumul qabʼim tzij junam rukʼ wariʼ chiʼ kqariq ta chi ri winaq che utz xuta ri xqabʼij che. Pa neʼ kqakoj qachuqʼabʼ, kʼax ujaʼxik ri ijaʼ re ri qastzij che xqatik kanoq (1 Cor. 3:6). ¿Jas rajawaxik kqabʼano? Jujun publicadores che qas kekun che utzijoxik ri utzij ri Dios kitzʼibʼam jun carta o kkitzʼibʼaj jupaj tzij chuwach jun wuj kkiya kan chuxeʼ ri uchiʼja. Nikʼaj chik, rumal che ketaʼm che kʼax kiriqik chi jumul ri winaq cho kachoch, kkita ri unúmero ri kiteléfono. Kkibʼij tzij junam rukʼ wariʼ: «¿La kawaj we kintaq lo jun mensaje chawe?». Kojkunik kqatzʼibʼaj jun revisita we kqatzijoj ri utzij ri Dios, pa neʼ xa pa jun carta, jun correo, jun mensaje, jupaj tzij chuwach jun wuj chuxeʼ ri uchiʼja o pa teléfono. Rukʼ wariʼ, pa neʼ e kʼo ta pa kachoch, kojkunik kqabʼan chke ri winaq che kkaj kkita ri utz taq tzij.