Ri Kkaj Kketaʼmaj Ri Qachalal

◼ ¿La rajawaxik kqakoj Internet che utzijoxik ri utzij ri Dios o che uyaʼik jun etaʼmanik che jun winaq che qetaʼm ta uwach che kʼo pa jun chi tinamit?

Jujun qachalal kkikoj Internet rech kkiya jun etaʼmanik chrij ri Biblia chke winaq che e kʼo pa jun tinamit jachiʼ ri qʼatal taq tzij kkaj taj kqabʼan ri qachak o che e kʼo ta kʼi testigos. Jujun taq mul, uyaʼom utz tobʼanik. Are kʼu, weneʼ kriqitaj kʼax we kqaya ri qacorreo o kojtzʼibʼan rukʼ jun winaq che qetaʼm ta uwach (chawilaʼ Nuestro Ministerio del Reino rech julio 2007, pág. 3). Pa neʼ ri kqaj are kqaya ubʼixik chrij ri Ajawbʼal chke winaq che utz kanimaʼ, ri tzijonem riʼ kubʼan chqe che kojtzijon kukʼ winaq che utz ta kachilaxik, jujun taq mul kukʼ winaq che kixutum ri qastzij kojonik (1 Cor. 1:19-25; Col. 2:8). Xuqujeʼ pa ri lugares che ri qʼatal taq tzij kkiya taj che kqabʼan ri qachak che ri Dios o kiyaʼom jujun taq taqanik che rajawaxik kbʼanik, weneʼ ri qʼatal taq tzij kkil ri correos o nikʼaj chi wuj che kopan pa ri e tinamit riʼ. Wariʼ kubʼano che ri Testigos che e kʼo pa ri lugar riʼ weneʼ kkiriq kʼax. Rumal laʼ, rajawaxik taj keqatzukuj winaq pa Internet rech jun chi tinamit rech kqatzijoj ri utzalaj taq tzij chke.

We kqatzijoj ri utzij ri Dios che jun winaq re jun chik tinamit che tajin kusolij ri qatinamit, rajawaxik taj che kojtzijon na rukʼ rech kraj kretaʼmaj más are chiʼ ktzalij pa rachoch we kʼo ta ubʼim ri sucursal rech ri tinamit chqe. Ri utz kqabʼano are che kqakʼut ukojik jw.org chuwach rech kuriq etaʼmabʼal o rech ktzʼibʼan che ri sucursal che kril ri chak kkibʼan ri testigos rech Jehová pa ri utinamit. We kʼo jun Ja rech Ajawbʼal jachiʼ kpe wi ri winaq, kojkunik kqabʼij che, che kusolij, we kraj che jun Testigo kopan che usolixik, kqataʼ ri ubʼiʼ jachiʼ kel wi rech kqatzʼibʼaj we kuya, tekʼuriʼ kqaya che ri ajtzʼibʼ rech ri congregación che are kutaq bʼi pa Betel kukoj jw.org. Ri sucursal che kril ri chak che kbʼan pa ri tinamit che kpe wi ri winaq are kkunik kutoʼ, rumal che areʼ ketaʼm ri kajwataj pa ri lugar riʼ (chawilaʼ Ri Qachak che ri Dios rech junio 2014, pág. 7, xuqujeʼ Nuestro Ministerio del Reino rech noviembre 2011, pág. 2).

We tajin chi kqasolij jun winaq tekʼuriʼ kbʼe pa jun chi tinamit, o ri winaq che tajin kqaya etaʼmanik che chrij ri Biblia kʼo pa jun chi tinamit xuqujeʼ xaq xiw qetaʼm uwach pa Internet, rajawaxik kqabʼan ri kubʼij pa ri párrafo 2. Are kʼu, kojkunik kqatoʼ rech kraj kretaʼmaj más kʼa kopan na jun publicador rech ri lugar che kutoʼ. Are kʼu, we ri winaq kʼo pa jun tinamit jachiʼ ri qʼatal taq tzij kkiya ta kqabʼan qachak o kiyaʼom jujun taqanik che rajawaxik kbʼanik, rajawaxik qas kqachomaj na ri kqabʼano we kojchʼaw chrij kʼutunem rech ri Biblia are chiʼ kqatzʼibʼaj cartas, kojtzijon pa teléfono o chiʼ kqataq bʼi jun correo electrónicos (Mat. 10:16).