Chanim cheqilaʼ ri kkaj kketaʼmaj más

Chiʼ xbʼan ri qakʼolbʼal pa Internet, ri kajilabʼal ri winaq che kkaj jun etaʼmabʼal chrij ri Biblia sibʼalaj kʼiyirinaq. Ri kʼakʼ ubʼixik ri utzalaj taq tzij chiʼ kkoj carreta che ukʼutik ri jalajoj taq wuj che kʼolik tobʼanaq che sibʼalaj e kʼi winaq kkaj kketaʼmaj más. Ri sucursal chanim kril ri kbʼan che kitoʼik ri winaq riʼ. Jun kʼutbʼal re, we kʼo jun winaq kuta jun etaʼmanik pa wj.org, ri sucursal xa kebʼ qʼij kukʼam bʼi che ubʼixik chke ri ajkʼamal bʼe rech ri congregación pa ri territorio che kʼo wi ri winaq. Are kʼu bʼim chqe che qʼaxinaq semanas tekʼuriʼ kopan jun Testigo rukʼ jun winaq che utʼom jun etaʼmanik chrij ri Biblia. ¿Jas kqabʼano rech qas chanim keqatoʼ ri winaq rech kkʼis ta ri kirayibʼal che retaʼmaxik chrij ri Dios? (Mar. 4:14, 15.)

We ri rachoch ri winaq che kraj kretaʼmaj chrij ri Dios kʼo ta pa ri territorio che kril ri acongregación, chanim chanojisaj bʼi ri wuj ubʼiʼ Sírvase visitar (S-43) Tekʼuriʼ chaya che ri ajtzʼibʼ re ri congregación pa ri jun chik riqbʼal ibʼ. Tekʼuriʼ, kqʼax ta kebʼ qʼij che ri ajtzʼibʼ kuqʼaxej che ri congregación che kril ri territorio che kʼo wi ri winaq o kutaq bʼi pa ri sucursal pa ri tzij che kubʼij Congregación pa ri Internet jw.org. Xuqujeʼ, are rajawaxik che ri ajkʼamal bʼe amaqʼel kkil ri qakʼolbʼal pa Internet. We kbʼix chke chrij jun winaq, rajawaxik che kkikilo jachin kkunik chanim kekilaʼ. Xuqujeʼ ri publicador che kbʼix che, che kerilaʼ ri winaq rajawaxik che chanim kerilaʼ. We chiʼ kerilaʼ ri winaq tekʼuriʼ kuriq ta pa rachoch, kkunik kuya kan jun wuj che kuya ubʼixik chrij ri ubʼiʼ xuqujeʼ ri unúmero.