Chqabʼanaʼ sibʼalaj utz che ri qachak: chakʼutuʼ chkiwach ri ajtijoxelabʼ che kkinaʼqʼatisaj kibʼ che utijoxik kibʼ

¿Jasche rajawaxik? Rech kkowir ri ukojonik, ri ajtijoxel xaq xiw ta rajawaxik kunojisaj ri ujolom xuqujeʼ ri ranimaʼ che ri nabʼe taq etaʼmanik rech ri Biblia (Heb. 5:12–6:1). Rumal waʼ, rech kqanikʼoj ri Biblia rajawaxik kqakoj qachuqʼabʼ, rumal che rajawaxik kqil ri ubʼanik ri qetaʼm chik rukʼ ri kʼateʼ xqetaʼmaj, xuqujeʼ kqil ri kqabʼan che ubʼanik pa ri qakʼaslemal (Prov. 2:1-6). Rech kkiriq ri kkaj kketaʼmaj, ri ajtijoxelabʼ rech ri Biblia rajawaxik kketaʼmaj utzukuxik pa kitukel. Ri kichuqʼabʼ che kkikoj che ubʼanik ri tajin kketaʼmaj keʼutoʼ chiʼ keqʼax pa jun kʼax rumal upatanexik ri Dios (Luc. 6:47, 48).

Ri kqabʼano:

Chakʼutuʼ chuwach che sibʼalaj rajawaxik kqabʼan qachʼawem che ri Jehová rech kukʼam qabʼe chiʼ kqil pa jujunal chke ri etaʼmanik (Juan 14:26; 1 Cor. 2:10).
Are chiʼ kamajij, chabʼij che ri ajtijoxel che are utz che kutijoj ribʼ are chiʼ majaʼ katopan rukʼ. Katkunik kakʼut chuwach ri kubʼan che ujuchʼik pa ri uwuj ri tzij che nim ubʼanik che kʼo pa ri párrafo junam rukʼ ri kabʼan at.
Chabʼij che ri ajtijoxel che kutzalij uwach ri pregunta rukʼ ri utzij. Xaq xiw ta kabʼan ri preguntas che kʼo pa ri wuj.
Chabʼij che ri ajtijoxel che utz kusikʼij uwach ri Biblia ronojel taq qʼij. Pa jw.org kuriq jun cholajil che kutoʼ che ubʼanik. Rajawaxik kqakoj qachuqʼabʼ rech kojnaʼqʼataj che usikʼixik uwach ri Biblia, are kʼu sibʼalaj utz we jeʼ kqabʼano (Sal. 1:2, 3).
Chakʼutuʼ chuwach ri ajtijoxel ri kubʼan che ukojik ri UKʼOLBʼAL WUJ PA INTERNET Watchtower o pa ri Tobʼanik chike ri testigos rech Jehová rech kketaʼmaj más rech kuriq ri kraj kretaʼmaj chrij ri Biblia. Kojkunik kqakʼut chuwach ri ketal ri e wuj che más kkoj pa ri e riqbʼal ibʼ, rech kuchʼobʼ kiwach.

Chabʼanaʼ waʼ pa jun ikʼ:

Are chiʼ kkʼis jun subtítulo o jun kʼutunem, chataʼ che ri ajtijoxel che kubʼij pa kebʼ oxibʼ tzij ri xretaʼmaj. We kimik kʼot jun etaʼmanik kaya che jun winaq, chabʼij pa kebʼ oxibʼ tzij jun bʼantajik rech ri Biblia o jun párrafo rech ri wuj La Atalaya. Wariʼ katutoʼ che uchʼobʼik ri tajin kasikʼij uwach.