QAKʼASLEMAL RI OJ CRISTIANOS

Chatkʼaskʼatoq xuqujeʼ chatchakun chrij ri akojonik are chiʼ kkʼextaj ri jastaq

Ri e jastaq che kkʼextajik kojkun ta che uqʼatexik uwach, jachaʼ pa taq ri kʼisbʼal taq qʼij riʼ (1Co 7:31). Pa neʼ kqeyej o kqeyej taj, o che e utz o e utz taj, ri e jastaq che kkʼextajik kubʼan kʼax che ri qaqʼijilanik xuqujeʼ ri qachilanik rukʼ ri Jehová. ¿Jas kojutoʼ rech kojkʼaskʼat pa ri qakojonik xuqujeʼ kqaya ta kan uchakuxik chiʼ kkʼextaj ri e jastaq? Chawilaʼ ri video Chatux ko pa ri akojonik, pa neʼ kakʼex ri atinamit xuqujeʼ chayaʼ ubʼixik chrij ri preguntas riʼ:

Jun familia che tajin kuqʼaxej ri jastaq re pa jun lugar chik tajin kukoj utiempo che ri uqʼijilanik pa ri familia

Jas pixabʼ xuya jun qachalal che ri ajkʼamal bʼe re ri familia?
¿Jas tobʼanik xuya che ri familia ri pixabʼ re Mateo 7:25 chuwach wajun jastaq riʼ?
¿Jas xkibʼan che uchomaxik rech xkikʼex ri kitinamit, xuqujeʼ jas tobʼanik xuya wariʼ?
¿Jas xetoʼwik rech xukʼam kiwach pa ri jun chi congregación xuqujeʼ ri territorio?

¿Jas nimaʼq taq jastaq ukʼexom ribʼ pa ri nukʼaslemal pa taq we qʼij riʼ?

¿Jas kinbʼan che ukojik pa ri nukʼaslemal ri e pixabʼ che xkʼut pa wajun video riʼ?