QAKʼASLEMAL RI OJ CRISTIANOS
Ri Jehová kojutoʼ che uchʼijik ri kʼaxkʼolil
Pa ri e kʼisbʼal taq qʼij, qonojel kojqʼax pa taq kʼaxkʼolil. Jujun taq mul weneʼ kqachomaj che kʼo ta chi kojkunik kqabʼano. Are kʼu we amaqʼel kqatzukuj ri utobʼanik ri Jehová, kojkunik kqachʼij ri e nimaʼq taq kʼax che kopan pa qakʼaslemal (Is 43:2, 4). We tajin katqʼax pa jun kʼaxkʼolil, ¿jas kattowik rech katqebʼ rukʼ ri Jehová?
Ri chʼawem. We kqabʼij che ri Jehová ronojel ri kqanaʼo, ri areʼ kuya ri jamaril pa qanimaʼ y kuya qachuqʼabʼ rech kqachʼij ri kʼax (Flp 4:6, 7; 1Te 5:17).
Ri e riqbʼal ibʼ. Kimik, sibʼalaj rajawaxik chqe ri kkʼut pa ri e riqbʼal ibʼ rumal che kubʼan ko che ri qakojonik y ri e qachalal kkiya qachuqʼabʼ (Heb 10:24, 25). Sibʼalaj kojutoʼ ri ruxlabʼixel ri Jehová we kqatijoj bʼi qibʼ chrij ri kʼutunem re ri e riqbʼal ibʼ, amaqʼel kojbʼek y kqabʼan qacomentarios (Ap 2:29).
Ri utzijoxik utzij ri Dios. We kqakoj ronojel qachuqʼabʼ rech amaqʼel kqatzijoj ri utzij ri Dios, más kojchoman chrij utz taq jastaq. Xuqujeʼ, knimar más ri qachilanik kukʼ ri qachalal y rukʼ ri Jehová, rumal che junam kojchakunik (1Co 3:5-10).
ARE CHIʼ AWILOM CHI RI VIDEO RI JEHOVÁ KKʼOJIʼ CHE ANAQAJ, CHATZALIJ KIWACH RI PREGUNTAS RIʼ:
¿Jas xtoʼw ri qachalal Malu rech xkʼojiʼ chunaqaj ri Jehová?
Junam rukʼ ri qachalal Malu, ¿jas kubʼan Salmo 34:18 che ukubʼsaxik qakʼuʼx?
Junam rukʼ ri xubʼan che ri qachalal Malu, ¿jas kubʼan ri Jehová che uyaʼik «ri nimalaj kuʼinem» chqe are chiʼ kojqʼax pa nimaʼq taq kʼax? (2Co 4:7).